<Zabur 120

[1] Lagu ziarah. Watée ulôn lam keusosahan ulôn meulakée ubak TUHAN, dan Gobnyan laju geujaweueb ulôn.

[2] Ya TUHAN, neupeuseulamat kheueh ulôn, nibak ureuëng sulet dan teumipée.

[3] Hai ureuëng teumipée, peue nyang geupeubuet lé Po teu Allah ateueh gata? Deungon peue Gobnyan geuhuköm gata?

[4] Deungon aneuk panah nyang tajam atra sidroe ureuëng peujuang, deungon ngeu apui nyang hu meubura!

[5] Cilaka kheueh ulôn sabab harôh ulôn udeb meusajan gata; hana beda jih lagée tinggai di Mesekh, atawa lamkawan ureuëng Kedar.

[6] Ka treb that ulôn tinggai lamkawan ureuëng nyang hana galak keudamé.

[7] Meunyoe ulôn peugah haba keuhai damé, awaknyan jimeuheut keu muprang.