<Zabur 123

[1] Lagu ziarah. Ulôn tangah ubak Droeneueh ya TUHAN nyang mat peurintah dalam syeuruga.

[2] Lagée sidroe namiet jimeugantung ubak amphon jih, dan sidroe namiet ureuëng inong ubak po cut jih, meunan kheueh kamoe preh Droeneueh, ya TUHAN Allah kamoe, sampoe Droeneueh neugaséh keu kamoe.

[3] Neugaséh kheueh kamoe, ya TUHAN, neugaséh kheueh keu kamoe, sabab kamoe ka lumpah that le keunong hina.

[4] Kaseb kamoe nyoe ji peuhina ngon jipeujayéh lé ureuëng-ureuëng kaya, dan ji cemoh lé ureuëng-ureuëng sombong.