[1] Thai-ví lâu só-yû tai-liâng chhiên-ngìn kiûn-chhui lâu pak-ngìn kiûn-chhui ke-têu kiûn-kôn chhâm-siòng,
[2] yèn-heu hiong chhiòn Yî-set-lie̍t ngìn-mìn siên-ko kóng: “Na-he ngì-têu thùng-yi, yu liá he chhut-yì Song-chú — ngài-têu Song-ti ke chṳ́-yi, ngài-têu chhiu lòi phai-ngìn hi chhiòn Yî-set-lie̍t, lâu khì-thâ thùng-pâu hàn-yû he̍t chhai tak-sàng ke chi-sṳ̂ lâu Li-vi-ngìn kóng, chhiáng kì-têu chhiòn-phu si̍p-ha̍p to ngài-têu liá-vi lòi.
[3] Yèn-heu, ngài-têu chiông Song-ti ke yok-khui chhiáng chón-lòi, yîn-vi Só-lò cho vòng ke sṳ̀ ngài-têu chhiòn-mò chhai yok-khui mien-chhièn khiù-mun Song-ti.”
[4] Ngìn-mìn kám-kok liá kien-ngi tông-hó, chhiòn-phu thùng-yi án-ngiòng cho.
[5] Só-yî, Thai-ví seu-si̍p chhiòn-koet ke Yî-set-lie̍t-ngìn, tui nàm-phién ke Âi-khi̍p piên-kie chhṳ̍t-to pet-phién ke Ha̍p-mâ ai-héu tak thi-khî ke ngìn chhiòn-phu lòi, vi-tó oi tui Kî-lie̍t-Yâ-lìm chiông Song-ti ke yok-khui sái-to Yâ-lu-sat-lâng.
[6] Thai-ví lâu Yî-set-lie̍t ngìn-mìn to Yù-thai kin-nui ke Pâ-lâ-sàng (chhiu-he Kî-lie̍t-Yâ-lìm) oi tui ke-vi chhiáng Song-ti ke yok-khui ko-lòi; liá yok-khui ke miàng he cheu ke chhô chhai kî-lu-pak táng ke Song-chú ke miàng ôn ke.
[7] Kì-têu chiông Song-ti ke yok-khui piong chhai yit-liòng sîn-chhâ táng, tui Â-pí-nâ-tha̍t ke vuk-hâ yun chhut-lòi, Vû-sat lâu Â-hî-yok fu-chit sṳ́-chhâ.
[8] Thai-ví lâu só-yû Yî-set-lie̍t-ngìn lûng-chúng fong-se thiau-vú, siung-chan Song-ti. Kì-têu chhong-kô, pin thàn-cheu kok-chúng ngo̍k-hi, yû su-khìm, chhit-hièn-khìm, lìn-kú, chhê-é lâu la̍p-pá.
[9] Kì-têu lòi-to Kî-tun ke tá-ma̍k-chhòng, ke-sṳ̀ lâi chhâ-é ke ngiù kang-tó, hiám-hiám khúi lo̍k-hi, Vû-sat chhiu chhûn-sú fù-tén yok-khui.
[10] Song-chú chhiu hiong kì fat-khién, kit-tá kì, yîn-vi kì miâ-tó yok-khui. Vû-sat chhiu sí chhai Song-ti ke mien-chhièn;
[11] só-yî ke thi-fông chhiu ham-cho Pí-lie̍t-sṳ̂-Vû-sat, chhṳ̍t-to kîm-pû-ngit. Yîn-vi Song-chú hiong Vû-sat fat-khién, chhú-fa̍t kì, Thai-ví sîm-tú tông mò fôn-hí.
[12] Ke-ngit, Thai-ví hak-tó, chhin kiâng Song-ti, chhiu kóng: “Ngài liá-ha ngióng-kám chiông Song-ti ke yok-khui chhiáng ko-lòi nè?”
[13] Só-yî, Thai-ví mò chiông yok-khui yun-ngi̍p Thai-ví ke sàng, fán-chón tui phe̍t-thiàu lu chiông yok-khui yun-to Kâ-thi̍t-ngìn Ngò-phe̍t-Yî-tûng ke vuk-hâ.
[14] Song-ti ke yok-khui chhai ke-vi thìn-liù sâm-ke ngie̍t; Song-chú su-fuk pûn Ngò-phe̍t-Yî-tûng ke chhiòn-kâ, lâu só-yû su̍k kì ke yit-chhiet.