<2 Timothy ᓂᓵᐧᐤ ᑎᒪᑎ 3

[1] ᐅᒪ ᒫᑲ ᑭᐢᑫᔨᑕ, ᐃᐢᑳᐧᔮᐨ ᑲᑭᓯᑳᑭ ᒥᐢᑕᐦᐃ ᐋᔨᒥᓯᐃᐧᐣ ᑭᑕ ᐅᑎᐦᒋᐸᔨᐤ.

[2] ᒋᑫᒫ ᐊᔨᓯᔨᓂᐊᐧᐠ ᐃᐧᔭᐋᐧᐤ ᑎᐱᔭ ᐱᑯ ᑭᑕ ᓵᑭᐃᓱᐊᐧᐠ, ᑭᑕ ᓵᑭᐁᐊᐧᐠ ᓱᓂᔮᐊᐧ, ᑭᑕ ᑲᑭᐦᒋᒧᐢᑭᐊᐧᐠ, ᑭᑕ ᑭᐢᑌᔨᒧᐊᐧᐠ, ᑭᑕ ᑭᑳᐃᐧᑕᐢᑭᐊᐧᐠ, ᑭᑕ ᓴᓯᐱᑕᐁᐧᐊᐧᐠ ᐅ ᓂᑭᐃᑯᐋᐧᐊᐧ, ᐁᑳ ᐁ ᐅ ᓇᓈᐢᑯᒧᐃᐧᓂᒋᐠ, ᐁᑳ ᐁ ᑲᓈᑎᓯᒋᐠ,

[3] ᐁᑳ ᐁ ᑭᓭᐋᐧᑎᓯᒋᐠ, ᐁᑳ ᐁ ᓴᐃᐧᑌᐦᐁᒋᐠ, ᐁ ᐸᑯᓄᒥᐁᐧᐢᑭᒋᐠ, ᐁᑳ ᐁ ᐅ ᓇᑭᐃᐧᓂᒋᐠ, ᐁ ᐋᑳᐧᑎᓯᒋᐠ, ᐁᑳ ᐁ ᓵᑭᑖᒋᐠ ᑳ ᒥᔮᐧᓯᓂᔨᐠ,

[4] ᐁ ᑭᒧᑕᑲᒥᑭᓯᒋᐠ, ᐁ ᒪᐢᑲᐃᐧᐢᑎᑳᐧᓀᒋᐠ ᐁ ᒪᒥᑌᔨᒧᐢᑭᒋᐠ, ᐁ ᓵᑭᑖᒋᐠ ᒥᔭᐋᐧᑎᑯᑖᐃᐧᐣ ᐃᔨᑯᕽ ᐃᐧᔭ ᐁ ᓵᑭᐋᒋᐠ ᑭᓭᒪᓂᑐᐊᐧ;

[5] ᐁ ᒥᒋᒥᓇᑭᐠ ᐁ ᐃᓯᓈᑲᐧᕽ ᐊᔭᒥᐦᐋᐋᐧᑎᓯᐃᐧᐣ, ᒫᑲ ᐁ ᑭ ᐋᓀᐧᑕᑭᐠ ᐁ ᐃᓯ ᒪᐢᑲᐃᐧᓯᒪᑲᕽ; ᐁᐊᐧᑯᓂᐠ ᒥᓇ ᓇᑲᓯᐠ.

[6] ᒋᑫᒫ ᐁᑯᑐᐃᐧᑳᓇᐠ ᑳ ᐱᐦᑐᑫᑖᒋᒧᒋᐠ ᐋᐧᐢᑳᐦᐃᑲᓂᕽ ᐁᑯᓯ ᐁ ᑳᐧᓯᐋᒋᐠ ᑭᐢᑫᐧᑳᓂ ᐃᐢᑫᐧᐊᐧ ᐁ ᓇᔭᑕᒥᔨᐟ ᒪᒋᐃᑎᐃᐧᓇ, ᐁ ᐱᒥᑎᓴᐦᐊᐦᑭᐠ ᓇᓈᑐᕽ ᒪᒋ ᒧᐢᑕᐁᐧᔨᑕᒧᐃᐧᓇ,

[7] ᑳᑭᑫ ᐁ ᑭᐢᑭᓄᐦᐊᒫᐦᒋᐠ ᐁᑯᓯ ᐁᑳ ᐃᐧᑳᐨ ᐁ ᑭ ᐅᑎᑕᑭᐠ ᑭᑕ ᑭᐢᑫᔨᑕᐦᑭᐠ ᑖᐯᐧᐃᐧᐣ.

[8] ᒫᑲ ᑖᐱᐢᑯᐨ ᒑᓂᐢ ᒥᓇ ᒑᑦᐸᕒᐃᐢ ᑳ ᑭ ᐃᓯ ᓇᑳᐢᑲᐋᐧᒋᐠ ᒧᓯᓴ ᐁᑯᓯ ᒥᓇ ᐅᑭ ᐁᓯ ᓇᑳᐢᑲᑭᐠ ᑖᐯᐧᐃᐧᐣ; ᐊᔨᓯᔨᓂᐊᐧᐠ ᑳ ᓂᓯᐊᐧᓈᑕᓂᔨᑭ ᐅ ᒥᑐᓂᔨᒋᑲᓂᐋᐧᐊᐧ, ᐁ ᐁᐧᐱᓂᑳᓱᒋᐠ ᑖᐯᐧᔦᔨᑕᒧᐃᐧᓂᕽ ᐅᐦᒋ.

[9] ᒫᑲ ᓇᒪᐃᐧᔭ ᐊᐊᐧᓯᒣ ᑭᑕ ᑭ ᐃᑐᐦᑌᐊᐧᐠ; ᒋᑫᒫ ᐅ ᑭᐢᑫᐧᐃᐧᓂᐋᐧᐤ ᑭᑕ ᐋᐧᐸᐦᑕᒥᔨᐊᐧ ᑲᐦᑭᔭᐤ ᐊᔨᓯᔨᓂᐊᐧ ᑖᐱᐢᑯᐨ ᐊᓂᑭ ᒥᓇ ᑳ ᑭ ᐃᓯ ᐊᔮᔨᐠ.

[10] ᒫᑲ ᑭᔭ ᑭ ᑭ ᐱᒥᑎᓴᐁᐣ ᓂ ᑭᐢᑭᓄᐦᐊᒫᑫᐃᐧᐣ, ᐁ ᐃᓯᐦᒋᑫᔮᐣ, ᐁ ᐃᓯᐁᐧᐱᓯᔮᐣ, ᓂ ᑖᐯᐧᔦᔨᑕᒧᐃᐧᐣ, ᓂ ᓯᐱᔭᐁᐧᓯᐃᐧᐣ, ᓂ ᓵᑭᐦᐃᐁᐧᐃᐧᐣ, ᓂ ᓯᐯᔨᑕᒧᐃᐧᐣ,

[11] ᓂ ᑯᑕᑭᐦᐃᑯᐃᐧᓇ, ᓂᐟ ᐊᔨᒥᓯᐃᐧᓇ; ᑖᓂᓯ ᑳ ᑭ ᐃᓯ ᐅᑎᐦᑎᑯᔮᐣ ᐊᓂᑕ ᐋᐣᑎᔮᐠ, ᒥᓇ ᐋᐩᑳᓂᔭᑦ, ᒥᓇ ᓬᐃᐢᑕᕒᐊ; ᐃᔨᑯᕽ ᑳ ᑭ ᑯᑕᑭᐦᐃᑲᐃᐧᔮᐣ; ᒫᑲ ᑲᐦᑭᔭᐤ ᐁᐊᐧᑯᓂ ᑳ ᑎᐯᔨᐦᒋᑫᐟ ᓂ ᑭ ᐸᐢᐱᐦᐃᐠ.

[12] ᐁᐦᐁ, ᑲᐦᑭᔭᐤ ᒫᑲ ᑳ ᐃᐧ ᐊᔭᒥᐦᐋᐋᐧᑎᓯᒋᐠ ᙭ ᒋᓴᐢ ᐃᓯ ᑭᑕ ᑯᑌᔨᑕᒪᐧᐠ ᑯᑕᑭᑖᐃᐧᐣ.

[13] ᒫᑲ ᑳ ᒪᒑᔨᐃᐧᒋᐠ ᐊᔨᓯᔨᓂᐊᐧᐠ ᒥᓇ ᑳ ᐊᐧᔦᓯᐃᐁᐧᒋ ᐊᐊᐧᓯᒣ ᒥᓇ ᐊᐊᐧᓯᒣ ᑭᑕ ᐊᑎ ᐃᓯ ᐊᔮᐊᐧᐠ, ᐁ ᐊᐧᔦᓯᐃᐁᐧᒋᐠ ᒥᓇ ᐁ ᐊᐧᔦᓯᐃᐦᒋᐠ.

[14] ᒫᑲ ᑭᔭ ᑳᑭᑫ ᐁᑯᑕ ᐊᔮ ᐊᓂᐦᐃ ᑳ ᑭ ᑭᐢᑭᓄᐦᐊᒫᑲᐃᐧᔭᐣ ᒥᓇ ᑳ ᑭ ᑫᒋᓈᔦᔨᑕᒥᐃᑲᐃᐧᔭᐣ;

[15] ᐁᑯᓯ ᐁ ᐊᐋᐧᓯᓯᐃᐧᔭᐣ ᐅᐦᒋ ᐁ ᑭ ᑭᐢᑫᔨᑕᒪᐣ ᑲᓈᒋ ᒪᓯᓇᐦᐃᑫᐃᐧᓇ ᐊᓂᐦᐃ ᑫ ᑭ ᐃᔨᓂᓯᐃᑯᔭᐣ ᐱᒫᒋᐦᐅᐃᐧᓂᕽ ᐃᓯ ᐁ ᑖᐯᐧᔦᔨᒪᐟ ᙭ ᒋᓴᐢ.

[16] ᑲᐦᑭᔭᐤ ᑭᐦᒋ ᒪᓯᓇᐦᐃᑫᐃᐧᐣ ᑭ ᐃᑌᔨᑕᒧᐃᐁᐧᐤ ᑭᓭᒪᓂᑐ ᒥᔮᐧᐸᒋᐃᐁᐧᐤ ᒥᓇ ᑭᐢᑭᓄᐦᐊᒫᑫᐃᐧᐣ, ᑭᑕᐊᒫᑫᐃᐧᐣ, ᒫᒥᓄᒥᐁᐧᐃᐧᐣ, ᑲᑫᐢᑫᐧᐃᐧᐣ ᐅᐦᒋ ᑲᐧᔭᐢᑳᐧᑎᓯᐃᐧᓂᕽ ᑳ ᐊᔮᐠ;

[17] ᐊᓂᐦᐃ ᑭᓭᒪᓂᑐ ᐅᐟ ᐊᔨᓯᔨᓂᒪ ᑭᑕ ᑭᓯᐃᑯᐃᐧᓯᔨᐟ, ᒥᑐᓂ ᐁ ᒪᓂᐃᐦᐟ ᑲᐦᑭᔭᐤ ᒥᔪ ᐊᑐᐢᑫᐃᐧᓂᕽ.