ហេតុអ្វីអ្នកជំនួញជំរុញឲ្យបង្កើតប្រព័ន្ធឌីជីថលនីយកម្មក្នុងការបំពេញឯកសារពាណិជ្ជកម្ម?

អ្នកជំនួញក្នុងវិស័យដឹកជញ្ជូន​ ស្នើឲ្យកាត់បន្ថយនីតិវិធីបំពេញបែបបទរត់ការឯកសារ និងជំរុញឲ្យបង្កើតប្រព័ន្ធឌីជីថលនីយកម្ម (Digitalization) ដើម្បីបង្កើនប្រសិទ្ធភាពការនាំចេញ-នាំចូល។ ការលើកឡើងនេះធ្វើឡើង​ក្នុង​វេទិកាធុរកិច្ច និងនវានុវត្តន៍ ឆ្នាំ២០២៦ ដែលរៀបចំកាលពីថ្ងៃទី២៦ខែសីហា ដោយមានការចូលរួមពីអ្នកជំនួញរាប់សិបនាក់​។ តាមក្រុមអ្នកជំនួញ តម្រូវការឯកសារច្រើន បានធ្វើឲ្យនីតិវិធីកាន់តែស្មុគស្មាញ ការចំណាយប្រាក់ក្រៅផ្លូវការក៏មាន និងខាតបង់ពេលវេលាក្នុងការធ្វើពាណិជ្ជកម្ម។