ኣብ ኤርትራ፡ ምእካብ ባጤራ ናቕፋን ኣብ ዕዳጋ ፈጢርዎ ዘሎ ሻቕሎትን፡ (ጸብጻብ)

ላዕለዋይ ኣማኻሪ ፕረዚደንት ኣሜሪካ ምስ ኤርትራን ግብጽን ዝግበር ዘሎ ዲፕሎማስያዊ ርክባት ብዝምልከት መብርሂ ሂቡ። ኣብ ኢትዮጵያ ዝተጀመረ ብዕዳጋ ዝምራሕ ስርዓት ሸርፊ ወጻኢ ድኽነት ኣብ ክንዲ ዘጉድል ከም ዘጋደደ ሰነድ ፖሊሲ ባንኪ ሓቢሩ። ኣብ ኤርትራ፡ ብሰንኪ መምርሒ ባጤራ ሻቕሎትን ቅልውላውን ዕዳጋታት ከም ዘጋጠመ ተገሊጹ። መገዲ ኣየር ኢትዮጵያ ብመሸጣ ቲኬት ዝረኸቦ ብዙሕ መጠን ዘለዎ ገንዘብ ካብ ኤርትራ እትርከበን ሰለስተ ሃገራት ከውጽእ ከም ዘይከኣለ ገሊጹ። መንግስቲ ኢትዮጵያ፣ ኣብ ሳዑዲ ዓረብ ዝርከቡ ኢትዮጵያውያን ናይ ቆንስላ ኣገልግሎት ንኽረኽቡ ጣልቃ ንኽኣቱ ሂውማን ራይትስ ዎች ሓቲቱ።