#KennersPraat

In dié episode delf Rika Nieuwoudt en dr. Hercules Boshoff, dosent in Filosofie en Besigheidsetiek, op ʼn meer filosofiese wyse in die tema van skermtyd in.

Dr. Annelise de Vries, dosent in Afrikaans Huistaal-onderwys en Afrikaans as Taal van Onderrig en Leer aan Akademia, beantwoord die vraag uit die taalwetenskap.

In dié episode van #KennersPraat, word die tema oor die bedreiging van moedertaalonderrig in Suid-Afrikaanse skole bespreek. Prof. Gawie du Toit, dekaan van die Fakulteit Opvoedkunde, gee meer insig oor wat die impak sal wees van die voorgestelde wysiging aan ons skolewet.

Nikki Kennedy, dosent in Bestuursrekeningkunde en Belasting, lig die direkte impak uit wat die nuwe staatsbegroting op die individu het.

In hierdie episode van #KennersPraat, Akademia se podsendingsreeks, is die fokus op #Moedertaalmaand wat in Februarie gevier word. Karien Brits, taalpraktisyn en deeltydse dosent in Sepedi, praat oor die negatiewe effek van die gebrek aan moedertaalonderrig op ons jeug asook die ekonomie.

Stephen Nel, dosent in Regsgeleerdheid, verduidelik alles wat ons moet weet oor die proses en die verwikkelinge om ʼn nuwe hoofregter aan te wys. Stephen vertel ook hoekom dit vir my en jou belangrik is om te weet wat in ons howe aangaan.

In die episode praat prof. Pieter Duvenage, dekaan van die Fakulteit Geesteswetenskappe, met Rika Nieuwoudt oor die gespanne politieke situasie tussen Rusland en die Oekraïne. Prof. Duvenage verduidelik ook wat die moontlike impak op Suid-Afrika sal wees indien die situasie vererger.

Het jy al aan iets gedink en die volgende oomblik verskyn ʼn advertensie daarvan op jou slimfoon?Jaco-Louis Kruger, stelselontwikkelaar by Akademia, verduidelik in die nuutste episode van #KennersPraat hoe jy jou aanlyn data beter kan beskerm.

Het jy al ooit gewonder hoe word kriptogeldeenhede soos bv. Bitcoin belas?Michelle Coetzee, vakhoof aan Akademia vir Belasting en Ouditkunde, brei uit oor die groeiende geldeenheid en hoe dit in Suid-Afrika belas word.

Dr. Salomien Boshoff, vakhoof en dosent van Ondernemingsbestuur aan Akademia, brei uit oor die oorsprong van Swart Vrydag. Dr. Boshoff gee praktiese raad vir ondernemings asook verbruikers rakende die groot inkopiedag.