<كتاب الزَبُور 120

[1] فِي ضِيقْتِي، أَنَا نَادَيْت اللّٰهْ وَ هُو فَزَعْنِي وَكِتْ قُلْت:

[2] «يَا اللّٰهْ، نَجِّينِي مِنْ الْكَدَّابِينْ وَ مِنْ النَّاسْ الْيَحَلْفُوا بِكِدِبْ.»

[3] مَا تَعَرْفُوا الْيِسَوِّيهْ لَيْكُو اللّٰهْ وَلَّا؟ مَا يِعَذِّبْكُو إِنْتُو التَّحَلْفُوا بِكِدِبْ وَلَّا؟

[4] هُو يِرَسِّلْ لَيْكُو نَشَاشِيبْ طُرَانْ هَنَا الْفَارِسْ وَ جَمُرْ الْيِحَرِّقْكُو.

[5] أَنَا آسِفْ أَشَانْ قَعَدْت فِي بَلَدْ مَاشَكْ مَعَ نَاسْ فَسْلِينْ وَ سَكَنْت فِي خِيَمْ قِدَارْ أَمْبَيْن نَاسْ هَوَانِينْ.

[6] وَ أَنَا سَكَنْت طَوَّلْت مَعَ النَّاسْ الْيَكْرَهَوْا السَّلَامْ.

[7] أَنَا نِحِبّ السَّلَامْ // وَ وَكِتْ نِحَجِّي بَيَّهْ، هُمَّنْ يِدَوْرُوا الْحَرِبْ.