[1] Жь Паwлос, Силас у Тимот’ейо, щьвина Т’есалоникийар’а, йа кӧ п’ара Бав Хwәде у Хӧдан Иса Мәсиһ ә: Дә бьра к’әрәм у ә’дьлайи ль wә бә.
[2] Әм һәр гав бона wә һ’әмуйа р’азибуна хwә дьдьнә Хwәде, нава дӧайед хwәда т’ьме wә бир тиньн.
[3] Әм кьред баwәрийа wә, хәбата wәйә жь һ’ьзкьрьне у сәбьра wе гӧмана wәйә сәр Хӧдане мә Иса Мәсиһ тиньнә бира хwә ль бәр Хwәде, Баве мә.
[4] Әм заньн хушк-бьрано, кӧ һун Хwәдеда һ’ьзкьри у бьжарти нә,
[5] чьмки Мьзгинидайина мә нә кӧ т’әне бь хәбәре wәр’а һатә дайине, ле ӧса жи бь qәwате, бь Р’ӧһ’е Пироз у бе шькийе. Һун заньн әм бона wә нава wәда чаwа бунә.
[6] У wә жи ч’ә’в да мә у Хӧдан, нава гәләк тәнгасийада хәбәр qәбул кьр, бь әшqа Р’ӧһ’е Пироз ша бун .
[7] Бь ви аwайи һун бона һ’әму баwәрмәндед Мәкәдонйайе у Ахайайе бунә нәхшәк.
[8] Чьмки әw хәбәра дәрһәqа Хӧданда жь wә дәрк’әт бәла бу, нә кӧ т’әне нава Мәкәдонйайе у Ахайайеда, ле бәле бона wе баwәрийа wәйә сәр Хwәде, һәр дәра бәла буйә, ӧса кӧ иди нә һ’әwщә йә кӧ әм тьштәки сәрда зедә кьн.
[9] Чьмки әwана бона мә дьбежьн, кӧ wә чаwа әм qәбул кьрьнә у чаwа һун жь п’ута ль Хwәде вәгәр’ийанә, кӧ хӧламтийе Хwәдейе сах у р’астр’а бькьн
[10] у жь ә’змана һивийа һатьна Кӧр’е Wи бьн, к’ижан кӧ Wи жь нава мьрийа р’акьр, Исайе кӧ мә жь хәзәба те хьлаз дькә.