<2 Thessalonians ᓂᓵᐧᐤ ᑌᓴᓬᐋᓂᔭᓇ 2

[1] ᐁᑲᐧ ᒫᑲ ᑭ ᐸᑯᓭᔨᒥᑎᓈᐋᐧᐤ ᓂᒋᐋᐧᒥᑎᐠ, ᐅᒪ ᐅᐦᒋ ᐅ ᑕᑯᓯᓄᐃᐧᐣ ᑳ ᑎᐯᔨᒥᑯᔭᕽ ᒋᓴᐢ ᙭ ᒥᓇ ᑭᑕ ᒫᐊᐧᒋᐃᑐᔭᕽ ᐃᑕ ᐁ ᐊᔮᐟ;

[2] ᐁᑳ ᐅᓵᑦ ᑭᑕ ᐅᒉᑲᒥ ᐊᐧᐢᑲᐃᐧᓂᑲᐃᐧᔦᐠ ᑭ ᒥᑐᓀᔨᒋᑲᓂᐋᐧᕽ ᐊᐦᐳ ᑭᑕ ᒥᑯᐢᑳᑌᔨᑕᒣᐠ ᓂᑯᑖᐧ ᐊᐦᒑᐦᑯᕽ ᐅᐦᒋ ᐋᐦᐳ ᐃᑌᐧᐃᐧᐣ ᐅᐦᒋ ᓂᔭᓈᐣ ᐁ ᐊᑳᐧᑕᒫᑲᐃᐧᔮᕽ ᑖᐱᐢᑯᐨ ᐅ ᑭᓯᑳᑦ ᑳ ᑎᐯᔨᐦᒋᑫᐟ ᐁᑲᐧ ᑭᑕ ᐅᑎᐦᒋᐸᔨᔨᐠ;

[3] ᐁᑳᐃᐧᔭ ᐊᐃᐧᔭᐠ ᐊᔨᓯᔨᓂᐤ ᑭ ᑳ ᐊᐧᔦᓯᒥᑯᐋᐧᐤ ᓈᐣᑕᐤ ᐃᓯ; ᒋᑫᒫ ᓇᒪᐃᐧᔭ ᑭᑕ ᐃᐦᑭᐣ ᐹᑎᒫ ᐱᑯ ᐊᓂᒪ ᓂᒋᐸᔨᐃᐧᐣ ᓂᑳᐣ ᐅᑎᐦᒋᐸᔨᑭ, ᒥᓇ ᐊᓇ ᒪᒑᔨᐃᐧ ᐊᔨᓯᔨᓂᐤ ᑭ ᓄᑯᓯᒋ, ᓂᓯᐊᐧᓈᒋᐦᐅᐃᐧᐣ ᑳ ᓂᐦᑖᐃᐧᑭᐦᐃᑯᐟ,

[4] ᐊᓇ ᑳ ᐊᐧᓈᐃᐁᐧᐟ ᒥᓇ ᑳ ᑭᐢᑕᑭᒥᓱᐟ ᐁ ᓇᑳᐢᑲᕽ ᑲᐦᑭᔭᐤ ᑫᑲᐧᐩ ᑳ ᑭᓭᒪᓂᑐᐊᐧᓂᔨᐠ ᐊᐦᐳ ᑳ ᐊᔭᒥᐦᐁᐢᑕᒥᕽ; ᐁᑯᓯ ᐁ ᐊᐱᐟ ᐅ ᑭᐦᒋ ᐊᔭᒥᐦᐁᐃᐧᑲᒥᑯᔨᕽ ᑭᓭᒪᓂᑐᐊᐧ ᐁ ᐃᑕᐃᓱᐟ ᑖᐱᐢᑯᐨ ᐁ ᑭᓭᒪᓂᑐᐃᐧᐟ.

[5] ᓇᒪ ᒋ ᑭ ᑲᓄᑭᐢᑭᓯᓈᐋᐧᐤ ᒣᑳᐧᐨ ᐁ ᐃᐧᒋ ᐊᔮᒥᑕᑯᐠ ᑭ ᑭ ᐃᐧᐦᑕᒫᑎᓈᐋᐧᐤ ᐅᐦᐃ?

[6] ᐁᑲᐧ ᒫᑲ ᑭ ᑭᐢᑫᔨᑌᓈᐋᐧᐤ ᐊᓂᒪ ᑳ ᑭᐱᑎᓂᑯᐟ ᑭᑕ ᑭ ᓄᑯᓯᐟ ᐃᐢᐱ ᐃᐧᔭ ᐃᐢᐸᔨᐃᑯᒋ.

[7] ᒋᑫᒫ ᐊᓂᒪ ᑳ ᐋᐧᓂᒧᑕᕽ ᐁᑳ ᑳ ᓈᑲᑐᑳᑕᒥᕽ ᐅᔭᓱᐁᐧᐃᐧᐣ ᓵᓴᐩ ᐊᑐᐢᑫᒪᑲᐣ; ᐱᑯ ᐃᑖᐤ ᐊᓇ ᐊᓄᐦᐨ ᒣᑳᐧᐨ ᑳ ᑭᐱᑎᓇᕽ ᐃᔨᑯᕽ ᐃᐢᑯ ᑫ ᐃᑲᑌᓂᐦᐟ.

[8] ᐁᑳᐧ ᑫ ᓄᑯᓯᐟ ᐊᓇ ᐁᑳ ᑳ ᓈᑲᑐᑳᑕᕽ ᐅᔭᓱᐁᐧᐃᐧᐣ ᐊᓂᐦᐃ ᑳ ᑎᐯᔨᐦᒋᑫᐟ ᒋᓴᐢ ᑫ ᓂᐸᐦᐋᐟ ᐁ ᐸᑭᑕᑖᒧᐟ ᐅᑐᓂᕽ ᐅᐦᒋ, ᒥᓇ ᑫ ᓂᓯᐊᐧᓈᒋᐦᐋᐟ ᓄᑲᐧᓂᔨᑭ ᐅ ᑕᑯᓯᓄᐃᐧᐣ;

[9] ᐊᓇ ᐅᑎ ᑫ ᑕᑯᓯᕽ ᐁ ᐃᑕᐢᑌᔨᐠ ᐅᐟ ᐊᑐᐢᑫᐃᐧᐣ ᓭᑕᐣ ᑭᑭ ᑲᐦᑭᔭᐤ ᑲᐢᑭᐦᐁᐃᐧᓯᐃᐧᐣ ᒥᓇ ᑭᐢᑭᓇᐋᐧᒋ ᐃᓯᐦᒋᑫᐃᐧᓇ ᒥᓇ ᑭᔮᐢᑭᐃᐧ ᒪᒫᑖᐃᐧᓯᐃᐧᓇ,

[10] ᒥᓇ ᑲᐦᑭᔭᐤ ᑲᑲᔦᔨᓯᐃᐧᐣ ᐁᑳ ᐁ ᑲᐧᔭᐢᑭᑖᑎᓯᒋᐠ ᐊᓂᑭ ᑳ ᓂᓯᐊᐧᓈᑎᓯᒋᐠ; ᒋᑫᒫ ᓇᒪᐃᐧᔭ ᑭ ᐅᑎᓇᒪᐧᐠ ᐊᓂᒪ ᐁ ᓵᑭᑖᕽ ᑖᐯᐧᐃᐧᐣ ᑭᑕ ᑭ ᐱᒫᒋᐦᐅᒋᐠ.

[11] ᐁᐊᐧᑯ ᒫᑲ ᐅᒪ ᐅᐦᒋ ᑭᓭᒫᓂᑐᐊᐧ ᐃᑎᓴᐊᒫᑲᐧᐠ ᐁ ᐊᑐᐢᑫᒪᑲᕽ ᐊᐧᓂᒥᑎᒣᐃᐧᐣ ᑭᑕ ᑖᐯᐧᑕᐦᑭᐠ ᑭᔮᐢᑭᐃᐧᐣ;

[12] ᑲᐦᑭᔭᐤ ᑭᑕ ᐅᔭᓱᐋᐧᑎᒋᐠ ᐁᑳ ᑳ ᑖᐯᐧᑕᐦᑭᐠ ᑖᐯᐧᐃᐧᐣ ᒫᑲ ᑳ ᒥᔦᐧᔨᑕᐦᑭᐠ ᐁᑳ ᐁ ᑲᐧᔭᐢᑭᑖᑎᓯᕽ.

[13] ᒫᑲ ᓂᔭᓈᐣ ᐃᑕᐢᑌᐤ ᑳᑭᑫ ᑭᑕ ᓇᓈᐢᑯᒫᔮᕽ ᑭᓭᒪᓂᑐ ᑭᔭᐋᐧᐤ ᐅᐦᒋ ᓂᒋᐋᐧᒥᑎᐠ ᑳ ᓵᑭᐦᐃᑯᔦᐠ ᑳ ᑎᐯᔨᐦᒋᑫᐟ, ᐃᐧᔭ ᑭᓭᒪᓂᑐ ᐁ ᑭ ᓇᐊᐧᓱᓂᑯᔦᐠ ᒥᒋᒫᐨ ᐅᐦᒋ ᑭᑕ ᐱᒫᒋᐦᐅᔦᐠ ᐁ ᑲᓈᒋᐃᑯᔦᐠ ᐊᐦᒑᕽ ᒥᓇ ᐁ ᑖᐯᐧᑕᒣᐠ ᑖᐯᐧᐃᐧᐣ;

[14] ᐃᑕ ᑳ ᑭ ᓇᑐᒥᑯᔦᐠ ᓂ ᒥᔮᐧᒋᒧᐃᐧᓂᓈᐣ ᐅᐦᒋ ᑭᑕ ᐅᐦᑎᓇᒣᐠ ᐅ ᑭᐢᑌᔨᑖᑯᓯᐃᐧᐣ ᑳ ᑎᐯᔨᒥᑯᔭᕽ ᒋᓴᐢ ᙭.

[15] ᐁᑯᓯ ᒫᑲ ᓂᒋᐋᐧᒥᑎᐠ ᐊᔮᒋᑳᐸᐃᐧᐠ ᒥᓇ ᒥᒋᒥᓇᒧᐠ ᐊᒋᒧᐃᐧᓇ ᑳ ᑭ ᑭᐢᑭᓄᐦᐊᒫᑲᐃᐧᔦᐠ ᑭᐢᐱᐣ ᓂᐟ ᐃᑌᐧᐃᐧᓂᓈᐣ ᐅᐦᒋ ᐊᐦᐳ ᓂ ᒪᓯᓇᐦᐊᒫᑫᐃᐧᓂᓈᐣ ᐅᐦᒋ.

[16] ᐁᑲᐧ ᒫᑲ ᑳ ᑎᐯᔨᒥᑯᔭᕽ ᒋᓴᐢ ᙭ ᐃᐧᔭ ᑫᐦᒋᐋᐧᐠ ᒥᓇ ᑭᓭᒪᓂᑐ ᑯᑖᐃᐧᓇᐤ ᑳ ᑭ ᓵᑭᐃᑯᔭᕽ ᒥᓇ ᑳ ᑭ ᒥᔨᑯᔭᕽ ᑳᑭᑫ ᒥᔪᑌᐁᐃᑯᐃᐧᐣ ᒥᓇ ᒥᔪ ᐊᐢᐯᔨᒧᐃᐧᐣ ᑭᓭᐋᐧᑎᓯᐃᐧᐣ ᐅᐦᒋ,

[17] ᑭ ᑲ ᐃᐧ ᒥᔪᑌᐁᐃᑯᐋᐧᐤ ᒥᓇ ᑭ ᑲ ᐃᐧ ᐋᔮᒋᐃᑯᐋᐧᐤ ᑲᐦᑭᔭᐤ ᒥᔪ ᐃᓯᐦᒋᑫᐃᐧᓂᕽ ᒥᓇ ᐃᑌᐧᐃᐧᓂᕽ.