[1] tāpiskōc apisimōsos ē‑nōhtē-minihkwēt nipiy ē‑tahkikaminiyik sīpīsisiyihk, ēkosi pēyakwan kitisi-nitawēyimitin, nikisē-manitōm.
[2] tāpiskōc nitahcāhk ē‑nōhtēyāpākwētotāsk, kisē-manitow kā‑pimātisiyan. tānispīhk ka‑kī-nitawi-mawimostātān ita kā‑ayāyan?
[3] ē‑kīsikāk mīna ē‑tipiskāk nimāton, nitohcikawāpiwina ohci namōya nikī-mīcison; tāpitawi ayisiyiniwak nikakwēcimikwak, “tāniwā kikisē-manitōm?” ē‑isicik.
[4] nikakwātakēyimon kā‑kiskisiyān ōhi: ē‑pimi-wīcēwakik māna mihcēt ayisiyiniwak ē‑itohtahakik māna kisē-manitow owāskāhikanihk ē‑pimi-tēpwē-miyawātahkik ē‑nanāskomocik mīna ē‑pimi-nikamocik iyikohk ē‑kī-miywēyihtahkik.
[5] tānēhki ōma kā‑pīkiskātamān? tānēhki ōma kā‑pīkwēyihtamān? nika-aspēyimototawāw kisē-manitow, mīna kīhtwām nika-mamihcimāw nikisē-manitōm kā‑pimācihit.
[6] niwīsakitēhān, ēkosi kikiskisitotātin, Jordan askīhk ohci mīna Hermon askīhk ohci, wacīhk Mizar ohci.
[7] nititisahamāk kakwātakēyihtamowin tāpiskōc kā‑mamahkāskāk ē‑pakamiskākoyān; ē‑pitihkwēciwahk ē‑iskipēk tāpiskōc.
[8] ē‑mēkwā-kīsikāk kā‑tipēyihcikēt kita-wī-wāpahtihiwēw osākihiwēwin ēkāya wīhkāc kā‑kīsipipayiyik; ēkwa kita-nikamostawak ē‑tipiskāk, kita-ayamihēstawak kisē-manitow kā‑pimātisīskawit.
[9] ōmisi nititāw kisē-manitow kā‑kanawēyimit; “tānēhki kā‑wanikiskisitotawiyan? tānēhki kā‑ohci-kakwātakēyimoyān ē‑kakwātakihicik aniki kā‑nōtinicik?”
[10] tāpiskōc ē‑māhtakoskākawiyān iyikohk tāpitawi ē‑māyēyimicik, ē‑itwēcik, “tāniwā kikisē-manitōm?”
[11] tānēhki ōma kā‑pīkiskātamān? tānēhki ōma kā‑pīkwēyihtamān? nika-aspēyimototawāw kisē-manitow, mīna kīhtwām nika-mamihcimāw nikisē-manitōm kā‑pimācihit.