[1] TUHAN meufeureuman ubak Nabi Musa dan Nabi Harun:
[2] ”Bak watée ureuëng Israel jipeudong Khimah, tieb-tieb ureuëng bah kheueh jipeudong khimah jih nibak ban silingka bupanji keusatuan droe jih deungon lambang kawöm jih keudroe teuma. Banmandum khimah-khimah nyan bah kheueh jipeudong ban seukeulileng Khimah Ulôn, teuma beujiôh bacut nibak Khimah Ulôn nyan.”
[3] Di siblaih u timu, tantra nyang dimiyueb keusatuan Yehuda harôh jimeukhimah meunurot pasokan dan peumimpén jih maséng-maséng lam sinuson nyoe: Sukée & Peumimpén & Jeumeulah Ureuëng Yehuda & Nahason bin Aminadab & 74.600 Isakhar & Netaneel bin Zuar & 54.400 Zebulon & Eliab bin Helon & 57.400 & Jeumeulah banmandum na kheueh: & 186.400 Tantra nyang dimiyueb pimpénan Yehuda nyang jak leubeh awai dilée.
[10] Disiblaih u seulatan, tantra nyang dimiyueb peumimpén bupanji Ruben, awaknyan harôh kheueh jipeudong khimah meunurot pasokan ngon peumimpén jih maséng-maséng lam sinuson nyoe: Sukée & Peumimpén & Jeumeulah Ureuëng Ruben & Elizur bin Syedeur & 46.500 Simeon & Selumiel bin Zurisyadai & 59.300 Gad & Elyasaf bin Rehuel & 45.650 & Jeumeulah banmandum jih na kheueh: & 151.450 Keusatuan Ruben harôh kheueh jibeurangkat sibagoe nyang keudua.
[17] Óh ka lheueh nyan, lamkawan banmandum tantra Israel, jijak sukée Lewi sira jigulam Khimah TUHAN. Lagée awaknyan meukhimah, meunan cit teuma awaknyan jijak, maséng-maséng diteumpat jih keudroe meunurot bupanji awaknyan keudroe.
[18] Disiblaih u barat, tantra nyang dimiyueb bupanji tantra Efraim harôh kheueh jimeukhimah meunurot pasokan deungon peumimpén maséng-maséng lam sinuson nyang lagée nyoe: Sukée & Peumimpén & Jeumeulah Ureuëng Efraim & Elisama bin Amihud & 40.500 Manasye & Gamaliel bin Pedazur & 32.200 Benyamin & Abidan bin Gideoni & 35.400 & Jeumeulah banmandum jih na kheueh: & 108.100 Keusatuan Efraim nyan harôh kheueh jijak dilikot sukée Lewi.
[25] Disiblaih utara, tantra nyang dimiyueb bupanji keusatuan Dan harôh meukhimah pasokan deungon peumimpén jih maséng-maséng lam sinuson nyoe: Sukée & Peumimpén & Jeumeulah Ureuëng Dan & Ahiezer bin Amisyadai & 62.700 Asyer & Pagiel bin Okhran & 41.500 Naftali & Ahira bin Enan & 53.400 & Jeumeulah banmandum na kheueh: & 157.600 Keusatuan Dan nyang beurangkat keuneulheuh.
[32] Jeumeulah ureuëng Israel nyang teudafeutar meunurot pasokan maséng-maséng na kheueh 603.550 droe.
[33] Lagée nyang geupeurintah lé TUHAN ubak Nabi Musa, ureuëng Lewi hana teudafeutar meusajan ngon ureuëng-ureuëng Israel nyang laén.
[34] Ureuëng Israel jipeubuet banmandum peue-peue nyang geupeurintah lé TUHAN ubak Nabi Musa. Maséng-maséng jipeudong khimah nibak seukeulileng bupanji jih nyan keudroe, dan jibeurangkat meunurot kawöm dan keuluwarga jih nyan teuma.