លោក អ៊ុំ សំអាន៖ រដ្ឋាភិបាល ២៣ តុលាសង្ឃឹមថា ICC នឹងចាប់ខ្លួនមេដឹកនាំថៃក្នុងបទឧក្រិដ្ឋកម្មសង្រ្គាមលើកម្ពុជា

នៅព្រឹកថ្ងៃសុក្រ ទី១៧ ខែកក្កដានេះ លោក អ៊ុំ សំអាន សមាជិករដ្ឋាភិបាលកម្ពុជាឯករាជ្យ ២៣ តុលាបានអះអាងពីការទិញសំបុត្រយន្តហោះត្រៀមធ្វើដំណើរទៅទីក្រុងឡេអេដើម្បីជួបរដ្ឋអាជ្ញានៃតុលាការព្រហ្មទណ្ឌអន្តរជាតិ (ICC)។ នៅក្នុងបទសម្ភាសជាមួយវិទ្យុបារាំងអន្តរជាតិ RFI នាថ្ងៃទី១៧ កក្កដានេះ លោក អ៊ុំ សំអានបញ្ជាក់ថា កម្មវត្ថុនៃជំនួបជាមួយរដ្ឋអាជ្ញា ICC គឺដើម្បីប្រាប់ពីវិនាសកម្មនៃសង្រ្គាមដែលកងទ័ពថៃបានឈ្លានពានកម្ពុជា និងទាមទារឲ្យ ICC ចាប់ខ្លួនមេដឹកនាំថៃទៅកាត់ទោស។