Türkmenistan

Marynyň häkimiýetleri ýurduň saglyk we bilim pudagynyň, şeýle-de polisiýa we prokuratura işgärleriniň gatnaşmagynda ýörite ýygnaklary geçirip, olarda okuwçy gyzlaryň arasynda göwreli bolýanlaryň köpelendigini aýtdylar. Bu barada ýygnaklara gatnaşan bilim we saglyk işgärleriniň ençemesi gürrüň berdi.

Lebapda Milli howpsuzlyk ministrliginiň (MHM) ýerli edarasynyň we polisiýanyň işgärleri ilat arasynda “Starlink” enjamyny ulanýan raýatlary gözleýärler. Bu waka, Türkmenistanda barha köp raýatyň Internet petiklemelerini böwsüp geçmek üçin “Starlink” enjamyndan peýdalanýan mahalyna gabat gelýär.

Aşgabatda Türkiýä syýahat etjek türkmenistanlylaryň wiza almak üçin resminama tabşyrýan ýeke-täk nokadynda, “Mosaic Visa” kompaniýasynyň wiza merkeziniň daşynda 200-e golaý adam protest geçirdi. Wiza ýüzlenmesi kanagatlandyrylmadyk adamlar tölän pullarynyň yzyna berilmegini talap etdiler.

Türkmenistanyň Administratiw hukuk bozulmalary hakyndaky kodeksine soňky alty aýdan hem az wagtyň dowamynda tapgyr ikinji gezek üýtgetmeler girizilip, düzgün bozulmalar üçin jerimeleriň möçberi 100%-e çenli ýokarlandyryldy. Ýokarlanma Balkanyň köp ýaşaýjysynyň arasynda sorag we nägilelik döredýär.

Balkandaky harby bölümlerde gullukdan ir boşamak isleýän esgerleriň hossarlary üçin “para möwsümi” başlandy diýip, harby çeşmelerimiz we ene-atalaryň ençemesi aýdýar. Çeşmelerimiz harby ýolbaşçylaryň bu ýagdaýlara göz ýumýandygyny aýdýarlar.

Balkanyň häkimiýetleri şu ýyl hristianlaryň mukaddes Pasha baýramynyň bellenýän günlerinde Balkanabat şäherindäki esasy hristian ybadathanasynyň töwereginde reýd geçirdiler. Reýdlerde soňky ýyllarda hristian dinini kabul eden türkmenistanlylaryň onlarçasy tussag edildi.