دخلت رمضان ليه؟ الإجابة هتحدد مصيرك | قانون النية – رمضان ٢٠٢٦

الحلقة التانية | قانون النية

معاكم سيف الحكيم

في ناس بتدخل رمضان كل سنة…وتطلع منه زي ما دخلت.

نفس الصيام. نفس الصلاة. نفس القيام. بس مفيش تحول.

ليه؟

لأن الفرق مش في الفعل… الفرق في النية.

أهلاً بيكم في ألفا توكس شو – نسخة رمضان ٢٠٢٦

٨ قوانين… لصناعة النسخة الأقوى منك.

وقانون الحلقة دي… قانون بسيط في شكله…

لكن يقدر يقلب حياتك كلها.

قانون النية.

في الحلقة دي بنتكلم عن:

• ليه نفس الفعل ممكن يبقى عبادة عظيمة… أو مجرد عادة

• قصة الهجرة… وإزاي الشكل واحد لكن القيمة مختلفة

• ليه رمضان ما بيغيرش أفعالك… لكنه بيكشف نيتك

• الفرق بين اللي داخل يخلص الشهر… واللي داخل يتغير

• إزاي نيتك هي اللي بتحدد هتكمل بعد العيد… ولا هترجع لنفسك القديمة

رمضان مش سباق مين يعمل أكتر.

رمضان اختبار: إنت بتعمل ليه؟

النية مش كلام قبل الفجر.

النية سلوك بعد العيد.

—

سؤال مهم ليك في التعليقات:

إنت داخل رمضان ده ليه فعلًا؟

واستناني في الحلقة الجاية… قانون الثبات.

معاكم دايمًا

سيف الحكيم

وخليك دايمًا ألفا.

Hosted on Acast. See acast.com/privacy for more information.