(General News) ၵူၼ်းမိူင်းယွင်း ၵူဝ်ၺႃးတႅၼ်းၽွင်းဢၼ်ဢမ်ႇလီတေႃႇတူင်ႇၵူၼ်း ၶဝ်ႈမႃးၼႂ်းပိုၼ်ႉတီႈ

ၵူၼ်းမိူင်းယွင်း ၵူဝ်ၺႃးတႅၼ်းၽွင်းဢၼ်ဢမ်ႇလီတေႃႇတူင်ႇၵူၼ်း ၶဝ်ႈမႃးၼႂ်းပိုၼ်ႉတီႈ

ၽူႈတွႆႇႁွၵ်ႈ ၊ ၸၢႆးသႂ်ၸိုၼ်ႈမိူင်း

သိုၵ်းမၢၼ်ႈတႄႉ မူႇလႂ်ၸုမ်းလႂ် ၶႂ်ႈမၵ်းမၼ်ႈ ဢမ်ႇမၵ်းမၼ်ႈၵေႃႈ ၵၢၼ်ဢၼ်မၼ်းႁဵတ်းလႆႈၼၼ်ႉ ႁဵတ်းၵႂႃႇယူႇၶိူဝ်းယႂ်း ။ ဢၼ်တၢင်ႇမူႇတၢင်ႇၸုမ်းၵႆႉတၵ်ႉဝႃႈ သိုၵ်းမၢၼ်ႈၼႆႉ ဢမ်ႇၸွမ်းပၵ်းပိူင် ဢမ်ႇၸႂ်ႈတၢင်းၵၢၼ်ၼႆၼၼ်ႉ မၼ်းဢမ်ႇသူၼ်ၸႂ် ဢမ်ႇသႂ်ႇၸႂ် ။

သမ်ႉပၢႆ ပိုၼ်ၽၢဝ်ႇႁႂ်ႈၸုမ်းပႃႇတီႇၵၢၼ်မိူင်းၸိူဝ်းၽွမ်ႉၶဝ်ႈလိူၵ်ႈတင်ႈ လူင်းသူၼ်းတုမ်ႁႃသဵင်လႆႈ ၼႆလူးၵွၼ်ႇ ။ မိူၼ်ၼင်ႇ ၸႄႈဝဵင်းမိူင်းယွင်း ၸိုင်ႈတႆးပွတ်းဢွၵ်ႇၼႆႉ ၶွမ်ႊမသျိၼ်ႊပၢင်လိူၵ်ႈတင်ႈတႂ်ႈသိုၵ်းမၢၼ်ႈ မႃးတိတ်းပၢႆႉပိုၼ်ၽၢဝ်ႇဝႆႉ သဵၼ်ႈၸိုဝ်ႈတႅၼ်းၽွင်းပႃႇတီႈလႂ်ပဵၼ်ၽႂ် ၼႆၸိူဝ်းၼႆႉ ။

တႅၼ်းၽွင်းမၢင်ၸိူဝ်း ဢမ်ႇယၢမ်ႈႁၼ် တူင်ႉၼိုင်ၼႂ်းၵၢၼ်တူင်ႇၵူၼ်းသေပွၵ်ႈ သမ်ႉမႃးၶဝ်ႈလိူၵ်ႈတင်ႈလႄႈ ၵူၼ်းမိူင်းၵူဝ်ၺႃးတႅၼ်းၽွင်းဢၼ်ဢမ်ႇပၼ်ၽွၼ်းလီတူင်ႇၵူၼ်း ဝႃႈၼႆ ။ လွင်ႈၼႆႉ ၸၢႆးသႂ်ၸိုၼ်ႈမိူင်း တေႁၢႆးငၢၼ်းၼႄပၼ်ၵႂႃႇၶႃႈဢေႃႈ။

#podcast

#shannews

#မိူင်းယွင်း

#ပၢင်လိူၵ်ႈတင်ႈ