(General News) ၵူၼ်းမိူင်းတႆး ႁႃၵိၼ်လဵင်ႉတွင်ႉ တုၵ်ႉယၢၵ်ႈ ၼႂ်းၵႄႈၶၼ်ငိုၼ်းမၢၼ်ႈၽိူဝ်ႈ
Shan Herald Agency for News (SHAN)
ၵူၼ်းမိူင်းတႆး ႁႃၵိၼ်လဵင်ႉတွင်ႉ တုၵ်ႉယၢၵ်ႈ ၼႂ်းၵႄႈၶၼ်ငိုၼ်းမၢၼ်ႈၽိူဝ်ႈ
ၽူႈတွႆႇႁွၵ်ႈ ၊ ၸၢႆးသႂ်ၸိုၼ်ႈမိူင်း
ၶၼ်ငိုၼ်းၼႆႉ မေႃလႅၵ်ႈလၢႆႈ ၶိုၼ်ႈလူင်းယူႇၵူႈဝၼ်းၼႆၼၼ်ႉ ၽႂ်ၵေႃႈ ႁပ်ႉလႆႈယူႇသေတႃႉ ။ ပေႃးဝႃႈ ၶၼ်ငိုၼ်းၸိုင်ႈမိူင်းၸဝ်ႈၵဝ်ႇ တူၵ်းယူႇဝၼ်းဝၼ်းၶိုၼ်းၶိုၼ်းတႄႉ ၽႂ်ဢမ်ႇၶႂ်ႈႁပ်ႉလႆႈ ။ ယွၼ်ႉဝႃႈ မၼ်း တုမ်ႉတိူဝ်ႉပႃးၵၢၼ်ႁႃၵိၼ်လဵင်ႉတွင်ႉၵူၼ်းမိူၼ်းၵူႈထၢၼ်ႈ ။ မိူဝ်ႈလဵဝ် ၵူၼ်မိူင်းတႆးလႄႈ ပႃးၸဵမ် ၵူၼ်းမိူင်းႁူမ်ႈတုမ်မၢၼ်ႈ ပတ်းပိုၼ်ႉ ဢွၼ်ၵၼ်ၶၢင်း ငိုၼ်းၶဝ်ႈလႄႈငိုၼ်းဢွၵ်ႇ ဢမ်ႇငၢမ်ႇၵၼ် ။ လၢႆးဝၼ်း လၢႆးလိူၼ်လႆႈပဵင်းမိူဝ်ႈၵူႈပွၵ်ႈယူႇသေတႃႉ တႃႇသိုဝ်ႉၵိၼ်သိုဝ်ႉၸႂ်ႉၼႂ်းၼႃႈႁိူၼ်းသမ်ႉဢမ်ႇၵုမ်ႇ ။ ၵူၼ်းမိူင်းၵုမ်ႇလႆႈထူပ်း ၽေးငိုၼ်းၽိူဝ်ႈ ငိုၼ်းဢမ်ႇမီးၶၼ် ယူႇၶိူဝ်းယႂ်း ။ သင်ၶၼ်ငိုၼ်းတူၵ်းၵႂႃႇထႅင်ႈၼပ်ႉႁူဝ်ပီမၼ်းတႄႉ ၵူၼ်းမိူင်းၸိူဝ်းပဵၼ်ထၢၼ်ႈငဝ်ႈ ၵူၼ်းႁႃၸဝ်ႉၵိၼ်ၶမ်ႈၸိူဝ်းၼႆႉ တေၵိၼ်းၸႂ် လိူဝ်ၸႂ်ႁႅင်း ။ လွင်ႈၼႆႉ ၸၢႆးသႂ်ၸိုၼ်ႈမိူင်း တေႁၢႆးငၢၼ်းၼႄပၼ်ၵႂႃႇၶႃႈဢေႃႈ။
#ၽူႈတွႆႇႁွၵ်ႈ
#ShanNews