တင်းမာမှုတွေ ဆက်ရှိနေတာကြောင့် အပစ်အခတ်ရပ်စဲရေး မျှော်လင့်ချက်တွေ မှေးမှိန်လာ

ရက်သတ္တပတ်ပေါင်းများစွာ သံတမန်ရေးအရ ကြိုးပမ်းခဲ့ကြပြီး ပိုမိုကျယ်ပြန့်တဲ့ သဘောတူညီချက်ရဖို့ နီးစပ်နေပြီလို့ အဖန်ဖန်ပြောဆိုနေကြပေမဲ့လည်း အရှေ့အလယ်ပိုင်းဒေသတစ်ခွင်မှာ ပဋိပက္ခတွေ ဆက်လက်ဖြစ်ပွားနေဆဲ ဖြစ်ပါတယ်။



အစ္စရေးစစ်တပ်ဟာ လေဘာနွန်နိုင်ငံအတွင်း စစ်ဆင်ရေးတွေကို တိုးမြှင့်လုပ်ဆောင်လာသလို၊ ဂါဇာမှာလည်း အရပ်သားတွေ ထပ်မံသေဆုံးခဲ့ရပြီး၊ အီရန်နဲ့ အမေရိကန်ပြည်ထောင်စုကြား ဆွေးနွေးညှိနှိုင်းမှုတွေကလည်း မရေမရာ ဖြစ်နေဆဲပါ။



အစ္စရေးဟာ လေဘာနွန်တောင်ပိုင်းရဲ့ မဟာဗျူဟာမြောက် အကျဆုံးနေရာတွေထဲကတစ်ခုဖြစ်တဲ့ ဘိုဖော့ရဲတိုက် (Beaufort Castle) ကို သိမ်းပိုက်လိုက်ပြီး ဟစ်ဇဘိုလာအဖွဲ့ကို တိုက်ခိုက်တဲ့ စစ်ဆင်ရေးမှာ မြောက်ဘက်ပိုင်းအထိ ပိုမိုတိုးဝင်လာခဲ့ပါတယ်။