អ្នកធាក់ស៊ីក្លូជាង១០០នាក់ ធ្វើយុទ្ធនាការជិះស៊ីក្លូដើម្បីសន្តិភាព ជួយជនភៀសសឹក

​នៅរសៀលថ្ងៃទី ២៨ ខែធ្នូ ឆ្នាំ២០២៥ អ្នកប្រកបរបធាក់ស៊ីក្លូជាង ១០០នាក់នៅភ្នំពេញ បានជួបជុំគ្នាធ្វើយុទ្ធនាការជិះស៊ីក្លូ ដើម្បីសន្តិភាព ដើម្បីរ៉ៃអង្គាសជួយដល់ជនភៀសសឹកតាមរយៈអង្គការ ធី.ភី.អូ. កម្ពុជាជាពិសេសការគាំទ្រផ្លូវចិត្ត។ យុទ្ធនាការជិះស៊ីក្លូនេះ ធ្វើឡើងបន្ទាប់ពីមានបទឈប់បាញ់ជាលើកទី២ កាលពីថ្ងៃទី២៧ ខែធ្នូ ឆ្នាំ២០២៥ ដោយអ្នកចូលរួមសង្ឃឹមថា សកម្មភាពរបស់ពួកគេ នឹងជួយរក្សាសន្តិភាពឱ្យបានស្ថិតស្ថេរយូរអង្វែង និងរំពឹងថាជនភៀសសឹកអាចវិលត្រលប់ទៅកាន់ផ្ទះសម្បែងវិញក្នុងពេលឆាប់ៗ៕