សិល្បករចង់ឃើញគំនូរសៀវភៅ Comic Book មានកាន់តែច្រើននៅកម្ពុជា

Comic Book ឬ Manga ដែលជាប្រភេទសៀវភៅនិទានរឿងបែបរូបភាព ពុំសូវមានអ្នកផលិតច្រើនឡើយនៅក្នុងប្រទេសកម្ពុជា។ លោក សុន សុភាបញ្ញា ដែលមានចំណង់ចំណូលចិត្តគូរគំនូរតាំងពីកុមារភាព បានចាប់ផ្តើមដំណើរជីវិតក្នុងវិស័យសៀវភៅនិទានរឿងបែបរូបភាព Comic Book តាំងពីឆ្នាំ ២០១៦មក។ ទោះបី Comic Book មិនទាន់ទូលំទូលាយនៅកម្ពុជា និងជួបបញ្ហាប្រឈមជាច្រើនក្តី យុវជនរូបនេះនៅតែបន្តការងារ​ច្នៃប្រឌិត និងបង្កើតស្នាដៃថ្មីៗដើម្បីលើកកម្ពស់ការអាន និងបំផុសគំនិតសិល្បៈ តាមរយៈ​ការ​​​​និពន្ធ​សៀវភៅនិទានរឿងបែបរូបភាព Comic Book។