Pwezi-Mizik

Emisyon an gen 2 pati. Premye a se sou travay epi orijin Jou Agrikilti ak Travay yo make chak 1 me. Dezyèm pati a te konsakre pou Azaka Mede kòm lwa travay ak agrikilti nan fondòk senbòl peyi dAyiti. Mizik ak Powèm an kreyòl tankou franse te chita swa sou travay oswa agrikilti.

Emisyon sa a chita sou tèm lajan nan lavi moun. Pwezi an franse tankou an kreyòl mele ak divès kalte mizik gade ki plas lajan genyen nan lavi moun, kijan kreyatè yo pale de sa, ki jwèt mo yo fè ak lajan.

Se yon emisyon ki konsakre totalman pou memwa Emmanuel Marcellus. Mizik yo trete keksyon dèy, lanmò. Divès fanmi, pwòch, kanmarad, zanmi, kondisip, kolèg te temwaye sou lavi ansyen etidyan fakilte syanzimèn nan, ajan devlopman kominotè a.

Nan Emisyon Ed prezante divès pwendvi ki gen sou maryaj yo. Mizik yo esplore divès mizik ki trase chimen maryaj depi nan lademann, depi nan ti moman ladous ki vyen, rive nan fwaye a. Men tou fas sonb, lè sa pa mache nan maryaj yo tou. Se powèm Castera, Widler, Syto Cave ki deklame.

Se yon emisyon ki sitou fè dekouvri kijan nan divès rit mizik atis yo ak powèt yo trete tèm enfidelite ak separasyon. Gen yon konsta ki montre ke atis gason plis trete tèm sa pase atis fanm. Tèm sa yo pa trete san yon dòz plenyen

Depi lè ayisyen koumanse ap kouri kite peyi a, swa pou pwoblèm ekonomik oswa pou pèsekisyon politik, atis yo pa t janm montre imigrasyon se yon rèv. Move tretman, desepsyon, rasis, bourikay san rete make mizik yo epi montre yo se Ayiti yo ka viv pi byen

Pwezi ak mizik yo selebre yon seri vil ak kote, rakonte listwa ki pase la, elatriye: Pòtoprens, Kafou, Sodo, Okap, Gonayiv, Gros-Morne, Jeremi, Pòsali, Tòbèk, elatriye.