About
Təbiətin ən qorxulu və dağıdıcı hadisələrindən biri olan torpaq sürüşmələri hər il minlərlə insanın həyatına və yaşayış sahələrinə ciddi təhlükə yaradır. "Zaman Maşını" verilişinin bu buraxılışında, Coğrafiya İnstitutunun Torpaq ekologiyası laboratoriyasının müdiri Zaman Məmmədov və Geomorfologiya və Paleocoğrafiya laboratoriyasının böyük elmi işçisi, coğrafiya üzrə fəlsəfə doktoru, dosent Samirə Abuşova ilə birlikdə torpaq sürüşmələrinin yaranma səbəblərini və bu fəlakətlərin qarşısını almaq yollarını elmi mütəxəssis baxış bucağı ilə müzakirə edirik. Bu dərin və maarifləndirici söhbətdə suyun torpağa göstərdiyi inanılmaz dağıdıcı təsiri analiz edir, "torpaq ilk dəfə nə zaman yaranıb?" sualına tarixi və geoloji cavablar tapırıq. Elmin son nöqtəsi olan süni şəkildə torpaq yaratmaq laboratoriya şəraitində mümkündürmü? Azərbaycanda torpaq sürüşməsi ən çox hansı bölgələrdə aktivdir və ev alarkən və ya tikərəkən ərazinin sürüşməyə meyilli olduğunu hansı vizual əlamətlərinə görə bilmək olar? Ən əsası servesimizdə, coğrafi fəlakətlərin öncədən proqnozlaşdırılmasında və araşdırılmasında süni intellekt (AI) alətlərindən hazırda necə istifadə olunur və gələcəkdə bizi hansı texnoloji yeniliklər gözləyir? Əgər yaşadığınız ərazinin təhlükəsizliyindən əmin olmaq və təbiətin gizli qanunlarını öyrənmək istəyirsinizsə, bu elmi buraxılışı qaçırmayın.