Yewtere udditiinde: wano woowiri non e aljumaare kala, on yewtii fii toɓɓe ɗe faalaɗon artude e mum
On Tottaama Konngol
Yewtere men ko udditiinde hannde wano aljumaaje heewuɗe, on ƴettan konngol ngam taskaade kabaaruuji hittiɗi yawtiɗi e nder yontere nden. Hiɗon waawi non kadi senndodude e amen toɓɓe hittuɗe ɗe humpitiɗon fii mun e nder leyɗeele mon. Yoga e heɗiyankooɓe no anndini yiɗi mun artude e alhaali suɓngooji yuɓɓinaaɗi e talaata Amerik ko faatii e pilgu fedde democrate ‘en to suusu senat e ka chambre des representants. En senndoday e woɓɓe ji’anɗe maɓɓe e piggal ngal Donald Trump e fedde mun piyaa e ɗii suɓngooji; Alhaali huuwondiral hakkunde chine e Sahel ko faati e addanngol Mali Burkina Faso e leyɗe goɗɗe alaaji kaɓirɗi aran taweede ka yewtere men ɗoo. Woɓɓe kañum no yiɗi yewtude ko faati e ɗii fijooji sukaaɓe no wi’ee " Fijooji Olempik Sukaaɓe e no atletjo waawi wuurirde e dow golle ɗe o jokki . Toɓɓe goɗɗe ɗe mi limtanaali on ɗoo aran taweede ka yewtere si tawii saa'i on kempidaali