Nde tawi ko GMD laamu ngun dañi keewal depiteeɓe to suudu sarɗiiru, e miijo mon ko holno konngol lumndiyankooɓe ɓen waawata battinirde e pellite ƴetteteeɗe ɗen?

Hannde Alarba ñannde 10, 6ɓuru, yewtere men no nawra Gine ngam senndodude e heɗiyankooɓe ɓen njaltuɗi suɓngooji sarɗinkooɓe e meerɓe yuɓɓinaaɗi ñannde 31 lewru faltindu. Wano woote referendum yuɓɓinanooɗe e lewru 9ɓuru e ɗee woote hooreyaaku leydi e 12ɓuru hitaande faltiinde, lumndiyankooɓe mawɓe Gine, Cellou Dalein Diallo hooreejo fedde dawro UFDG, e hooreejo kiɗɗo leydi, Alpha Conde mo laamu mum liɓaa e hitaande 2021. Hannde ɓee ɗiɗo non no e caggal leydi e kadi tawaaka kadi e ɗee woote. Ɓee lumndiyankooɓe ɗiɗo ɓe pelle mum dawro fusaa gila lebbi, hollutuno denndaangal jinnganooɓe ɓe, wota tawe e ɗii suɓngooji. Njaltuɗi arani suɓngooji ɗin no okki laamu ngun poolgu mawngu. GMD dañii keewal depiteeɓe to suudu sarɗinkooru wonndude e meerɓe. Wano pelle lumndiyankooje ɗiɗi : FRONDEC e Bloc Liberal, kala e maɓɓe ko jullere wootere tan dañi e nder julle 147 to suudu sarɗinkooru. Ko wano non kadi ka suɓngooji meerɓe, lumndo ngoo foolaali e nder ca'e mawɗe ɗen.

Nde tawi ko GMD laamu ngun dañi keewal depiteeɓe to suudu sarɗiiru, e miijo mon ko holno konngol lumndiyankooɓe ɓen waawata battinirde e pellite ƴetteteeɗe  ɗen?