Mbele yeewtere hakkunde laamu e pelle kuliyankooɓe ko feere ngam laatingol jam e nder leydi?

Hannde Alarba 26 lewru 6ɓuru, en yeewtay ko yowiti e nanondire hakkunde pelle kuliyankooɓe e ardiiɓe leyɗe ngam heɓude jam e nder leyɗe maɓɓe. Wano Mauritanie, gila e hitaande 2007 ardiiɓe wonndude e mawɓe diina no siifidi e ngoomuuji jogiiɓe kaɓorɗe nanondire jam. Ndee yontere, ardiiɓe leydi ndin yaafike seɓɓitiiɓe 9. woɓɓe e maɓɓe ko fawanooɓe kaso kaaddi nguurdam.

si tawi ko eeyo, holko saabi laamuuji leyɗe goɗɗe yeru Mali waawaali huutorde wano ndee feere? Ɗee balɗe, hoɗiyankooɓe gure jeyaaɗe Bankass, e nder diiwal Mopti dogunooɓe fitinaaji fedde kuliyankoore JNIM arti ka maɓɓe bawto duuɓe jeeɗiɗi ko ɓe yalti ɓe fattii e gure goɗɗe. Ngol ruttagol ɓee yimɓe e gure maɓɓe laatike caggal nde hooreeɓe gure maɓɓe wonndude e mawɓe diiwal ngal njaɓi siifude nanondiral hakkunde maɓɓe e kuliyankooɓe JNIM. Ko holno yiiruɗon ngal nanondiral ?