Ko holno yiiruɗon nguu poolgu mawngu Faustin-Archange Touadéra ngam waɗugol happu tataɓo?

Alkamisa ñannde 8, lewru 1ɓuru, yewtere men no nawra en Centrafrique, nokku to suudu halfinaandu yuɓɓinngol suɓngooji hooreeyaaku leydi lollini njaltuɗi arani ɗi hooreejo leydi Faustin-Archange Touadéra dañi daaɗe 76,15% e daawal aranal. Faustin-Archange Touadéra suɓitaa waɗugol mandaa tataɓo, e dow tiindondiraaɗo makko Anicet-Georges Dologuélé heɓuɗo daaɗe tati e ko fawi e nder teemederewel.

Kono ɗii njaltuɗi ɗi suudu sariya mawɗo Centrafrique haani dagnude jibinii haalullaaji ɗuuɗuɗi e nder lunndo ngon, hollude wonndema woote ɗen rewaa laawol, ko jiiɓaaɗi. Lunndiyankooɓe mawɓe ɗiɗo Anicet-Georges Dologuélé e Henri-Marie Dondra no lamndii yo suɓngooji ɗii fuɗɗite.

Ko holno faamirɗon oo alhaali mandaa 3ɓo jaalaade hannde e nder duunde Afrik?