Ko holno yiiruɗon ngol ittugol eltooɓe diɗɗe fuku koyngal caggal nde diɗɗal maɓɓe piyaa e foolotiro CAN?

E alkamisa 5 lewru 2ɓuru, hiɗen yewta hannde ko faati e alhaali ittude walla riwude eltooɓe diɗɗe fuku koyngal nde ɓe hewtiti ka maɓɓe caggal nde diɗɗal maɓɓe piyaa e foolotiro CAN. Alhaali oo no jaali e nder duunde Afrik. Limoore eltooɓe ittaaɓe e hooreyaaku diɗɗal walla ɓortaaɓe golle caggal nde leydi maɓɓe yiltii e foolotiro CAN, no ɓeydii sanne.

Itti e hitaande 2019 haa e hitaande 2023, ko timmi eltooɓe 19 yo riiwaama. E foolotiro fuku koyngal CAN yuɓɓinaango hikka Maroc, ɗoo kadi eltooɓe tato ittaama. Ɓen ko Brama Traoré eltoowo mo Burkina Faso, Sami Trabelsi eltoowo diɗɗal Tunisie e Thierry Mouyouma mo Gabon.

Tawu si eltoowo no haana itteede sabu diɗɗal makko no waasi yottaade ka ɓiɓɓe leydi ndin habinoo ngal?