Ko holno yiiruɗon ko tawi koo wonnde ko leydi Afrik yuɓɓini hikka ɗii fijooji olempik sukaaɓe ?

Hannde aljuma, hiɗen yewta ko faati e kabaaru mawɗo fewndiiɗo, kabaaruu saatiiɗo ka meeɗen e nder duunde Afrik. Ɗum ko ɗii Fijooji sukaaɓe Olempik, fuɗotooɗi janngo e aset Dakaar laamorgo Senegaal, nde tawi ko go’o on nii yo leydi Afrik jaɓɓo ɗii fijooji sukaaɓe, hiɗen anndi ko Senegaal yuɓɓinta ɗi hikka.  Ko holno yiiruɗon ko tawi koo, ko leydi Afrik yuɓɓini hikka ɗii fijooji ? Senegal jaɓɓoto fijooɓe ujune ɗiɗi e teemeɗɗe jeeɗiɗi immorɓe e leyɗe Afrik e duuɗe goɗɗe keddiiɗe ngam foolotirde e calɗi keewɗi mo kala e fannu mun, yeru judo, jippiro, diwugol, dugugol, fubbagol, Riɓi e fanuuji goɗɗi e goɗɗi. Hikka fannuuji kesi goɗɗi tawtii foolotiranooɗi e dow mun ɗin ko feƴƴi.