Ko holno taskorɗon ngal pellital toŋungal yaltingol kaŋŋe mo tafaaka Gine, naɓe caggal leydi?

E altine 22, lewru 6 ɓuru, yeewtere men no nawra en hannde Gine nokku ɗo hooreejo leydi Jeneral Mamadi Doumbouya haɗi yaltingol kaŋŋe mo tafaaka leydi ndin. O ƴetii ngal pellital ɓawto tummbondiral hakkunde makko e jooma sosiyeteeji asayɗi kaŋŋe wonndude e soodooɓe ɗum. E bi’ol laamu Gine, jooni ko yo kaŋŋe o yoosine walla tafe haa gasa si mo yaltinee, naɓee caggal leydi.

Suudu tafirndu kaŋŋe waɗaama Gine, ndu fuɗɗoto gollude balɗe garooje. Faandaare nden ko wallitagol no ɓiɓɓe Gine dañira golle. Hooreejo leydi ndin no teeŋtini wonndema alaa huunde ko ittintinta ɓe ndee eɓɓoore. Gine no jeyaa hannde e leyɗe Afrik ɓurɗe jogaaɗe ngaluuji, kono leydi ndin alaa e heɓuɗe nafoore e jawle mun nder leydi, sabu ko ɗe naɓetee ko e leyɗe janane tafe si artiree.

Taw si Gine waaway tafude kaŋŋe mun si yaltina wano fellitiri hooreejo leydi Mamadi Dumbouya?

Hara waylugol kaŋŋe o Gine jibibanay ɓiɓɓe leydi ndin nafoore, ɓamta faggudu Gine wano holliri laamu Gine?