Ko holno njiiruɗon ngal tummbondiral tataɓal hakkunde Afrik e Russie waɗungal Mouscou?

En ngaran hannde e alhaali tummbondiral hakkunde Russie e leyɗe Afrik puɗɗingal toon to Moscou gila hanki, ina gasa alkamisa hannde. Ngol waɗti laabi tati Russie ina nodda ngal tummbondiral e leyɗeele doŋre ndee. Umminaaɓe leyɗe 44 ina tawtoraa ngal pottital, hooreeɓe leyɗe 22 njehii heen. Ina jeyaa e maɓɓe, hooreejo leydi Burundi, gardiiɗo hannde dental leyɗe Afrik, hono Evariste Ndayishimié. To baŋŋe leyɗe AES, Assimi Goita mo Mali tawtoraama kawrital ngal, wonndude e General Abdourahmane Tian mo Niger. Burkina Faso, ko hooreejo jaagorɓe oo yahani Ibrahima Traore. Ngalu, faggudu e ndeenaagu ina njeyaa e toɓɓe ɓurɗe teeŋtude e ngal tummbondiral. Vladimir Poutine ƴettii heen hanki pellital wallude leyɗeele Afrik e engrais e darnude izinaaji moƴƴinooji pesooje maa mbiyen ngeesooje. Gannde technologie njaltii no feewi kadi e jonnde hakkunde ardiiɓe leyɗe Afrik e hooreejo Russie. 
Holno njiiruɗon ngal tummbondiral ? Mbele Afrik ina waawi ɗaminaade e majjum ngartam keewɗam ? Holko woni faandaare tigi leydi Russie e ɗee leyɗeele Afrik ?