Ko holno jaɓɓorɗon ngol hollitol Patrice Motsepe anndinngol wonnde yuɓɓinol ngoo foolotiro fuku-koyngal CAN artiraama ka woowunoo ɗon duuɓi ɗiɗi kala?

Hiɗen yewta hannde fii ngal pellital fedde toppitiinde yuɓɓingol foolotiro fuku-koyngal leyɗe Afrik (CAF) ko faati e yuɓɓinngol foolotiro fuku koyngal CAN duuɓi ɗiɗi. Ko holno jaɓɓorɗon ngol hollitol Patrice Motsepe anndinnde wonndema yuɓɓinol ngoo foolotiro fuku-koyngal CAN artiraama ka woowunoo ɗon duuɓi ɗiɗi kala? Hiɗen anndi ko e lewru 12ɓuru hitaande 2025 faltiinde CAF ɓamunoo pellital ko faatii e yuɓɓinngol CAN duuɓi nayi kala gila e hitaande 2028. Patrice Motsepe holluno e on saha wonnde foolotiro CAN saatiingo e hitaande 2027 Kenya, Ouganda e Tanzanie dirtintaake kono haananoongo yuɓɓineede e hitaande 2029 artirete e hitaande 2028.  O wi'iino wonnde ɗum ko nagm waawude” yuɓɓingol foolotiro wonngo Afik fuɗɗitotoongo e hitaande 2028, ina wi’ee ‘‘Ligue des nations d'Afrique’’, wano ‘‘Ligue des nations d'Europe’’ non. E bi’ol Patrice Motsepe, faandaare nden ko ngam wallitagol no laatooɓe balon afriknaaɓe ɓee e teekode Oropnaaje ɗee waawa hitaande kala tawtoreede e ngoo foolotiro ‘‘Ligue des nations d'Afrique’’. Ko ɗum addunooɓe fewjirgol non  kono ɓe firtii ɗum yontere faltiinde sabu e bi’ol makko ɗum ko huunde yiltiraande caggal fijo balon Afrik.