Ñande altine 8 lewru 9ɓuru, yeewtere men ina nawa en Senegal. Kaalaten ko ko faati e guwernama keso mo hooreejo leydi Bassirou Diomaye Faye joƴƴini ñande aset jawtuɗo o. Jaagorɓe tato njaltinaama e laamu ngu. Yimɓe hesɓe kadi naati e oo guwernama keso.
Ousmane Diagne, gardinooɗo jaagorgal sariya leydi ndii gila e 4ɓuru hitaande 2024, ittama. Ko Yassine Fall, kalfinanooɗo jokkondire lomtiimo. Mouhamadou Bamba Cissé, go’oto e awokaaɓe hooreejo jaagorɓe oo woni Usmaane Sonko, toɗɗaama e jaagorgal kalfinaangal geɗe nder leydi. O lomtii ko Jeneral Jean Baptiste Tine. Amadou BA, sarɗiyaŋke, ko kañum lomtii Mountaga Diaw to jaagorgal finaa-tawaa e Tourisme. Nguu mbayliigu taskaangu e oo guwerneman jibinii haalullaaji keewɗi. Kono hooreejo jaagorɓe leydi ndii hollii daliilu gadduɗo ngol hesɗitingol. Ousmane Sonko anndinii wonnde ko ngam gollude no haaniri to bannge sariya leydi ndii e alhaaliiji goɗɗi.