Holno paamirɗon waasugol nanondirde luulndiyaŋkooɓe Cameroun ngam wonde e haɓɓere wootere?

Hannde e alarba, ñannde 8 lewru 10ɓuru, yeewtere men no nawra en hannde to Kamerun. En kaalat ko faati e alhaali dawro leydi ndii. Ko e ciifol sakkitorol ngol wonaa ado suɓngooji hooreyaaku leydi, yuɓɓinteeɗi ñannde 12 lewru ndu wonuɗen e mun. Kono lumdiyankooɓe ɓen waawaali haa ni timminde faandaare maɓɓe wootere ko faatii e nanondirde e kanndidaajo gooto mo ɓe iwtirta ɓaawo mun ngam foolude Paul Biya, gonɗo e laamu fodde duuɓi 42, kadi ƴamoowo lefol laamu Kamerun e laawol 8taɓol. E kanndidaaɓe sappo e go’o to senngo lumnɗiyankooɓe haanuɓe taweede e ɗee woote, ko ɗiɗo tun felliti tawo iwtirgol ɓaawo Bello Bouba Maigari, kanndidaajo fedde dawro UNDP.

Ɓen lumdiyankooɓe ɗiɗo tawtuɓe Bello Bouba Maigari jaagorɗo, kiɗɗo Paul Biya, ko Akéré Mouna, hooreejo fedde dawro Univers e Ateki Kakson mo fedde dawro PAL. Fewndo ɗoo wonii kanndidaaɓe 9 to senngo lumndo pooɗondirayɓe lefol laamu e Paul Biya.

Ko holno faamirɗon ngol waasugol nanondirde ɓee lumndiyankooɓe e kanndidaajo gooto?

E miijo mon holko saabii ɓe waɗude korun an, beɗun an? Ko holɗum ɗum battinta?