Holno njiyruɗon eɓɓoore Donald Trump ndee ngam artirde jam e hakkunde Israel e Hamas?

E ndee yeewtere men hande, altine 6 lewru 10 ɓuru, en kaalan fii hare ɓooyuɗe Gaza, wonndude e eɓɓoore hooreejo Dawlaaji Ndentuɗi Amerik Donald Trump. Ɗum ko ndee feere nde o ɓami ngam artirde ɓuttu/jam hakkunde Israyel e Hamas. Hino jeyaa e toɓɓe ndee eɓɓoore Donald Trump fii lannugol/gasnugol hare Gaza, accitugol ɗahaaɓe Israyelnaaɓe ɓe Hamas jaggi, woppitugol teemed e   teemede palestinnaaɓe wonuɓe e juuɗe Israyel, wallinngol kaɓorɗe ɗee, dartina hare ɗen wonndude e toɓɓe goɗɗe e goɗɗe. Fedde Hamas e senngo mun hollii wonnde ɓe jaɓii toɓɓere aranere e ndee eɓɓoore Donald Trump, woni accitugol  denndaangal ɗahaaɓe israyelnaaɓe wonɓe e juuɗe maɓɓe.

Ko holno taskorɗon ndee eɓɓoore hooreejo Amerik fii lannugol hare Gaza hakkunde Israel e Hamas? Tawu si ndee feere Trump waway artirde jam hakkude Hamas e Israyel? Kaaldal no jokka gila hannde bimbi to Charm el-Cheikh, leydi Egypte e dow ndee feere Donald Trump,  no nde haani yaarude.