Holko woni jiyanɗe mon e darnde calɗi fedde ngootaagu winndere ndee keroriiɗe kisal e ndeenaagu e nder doŋre Afrik?

Altine, ñannde 29lewru 9ɓuru, en kaalan hannde fii calɗi dental adunaaru ONU dariniiɗi kisal e ndeenaagu no wi’e conseil de sécurite. Jonnde 80ɓere ONU, yuɓɓinaama yontere yawtunde ndee to New York, e dow toɓɓe yowitiiɗe e caɗeele winndereyankooje taskaaɗe e oo sahaa, yeru hare hakkunde Russie e Ukraine e ɗee alhaali dawla Palestine. Hooreeɓe leyɗeele Afrik keewɓe  ɓamuɓe konngol e ngal tummbondiral hollii ko faati e heyɗintingol walla waylugol ngal dental ONU. Woɓɓe no holli waasugol timmingol darnde calɗi Onu daraniiɗi ndeenaagu.  Wano hooreeɓe jaagorɓe Burkina Faso e Mali ƴettuɓe konngol e ndee jonnde, ñiŋii sanne golle ɗii calɗi ONU e nder Afrik. Ko ñiŋooje goote ɗen e bannge hooreeɓe ɓamuɓe konngol ɓurɓe ɓen ka tummbondiral.

Enee ko holno taskorɗon golle calɗi dental adunaaru ONU e nder leyɗeele ɗen ?