Holko paamɗon e pellite ɗe ardiiɓe diɗɗe Afrik ƴettata riwde eeltooɓe maɓɓe caggal kala foolotiro mawngo ?

E alkamisa hannde 6 leweu 8ɓuru, hiɗen yeewta ko faati e alhaali ittugol walla riwugol eltooɓe ɗiɗɗe fuku-koyngal caggal nde diɗɗe maɓɓe piyaa e foolotirooji mawɗi yeru CAN walla pottite deesewal fuku-koyngal winndere “coupe du monde". Alhaali oo ina jaalii e nder duunde Afrik. Mbele eltoowo no haana itteede sabu diɗɗal mum no waasi yottaade ka ɓiɓɓe leydi ndin habinoo ngal e foolotiro ngon? E diɗɗe Afrik sappo tawanooɗe foolotiro deesewal fukukoyngal winndere, ko diɗɗe tati tan heddodii e eltooɓe majje. Ko kippu RD.Congo, Maroc e Egypte. Eltooɓe diɗɗe 7 heddiiɗe ɗen fow itaama walla ndiwaama.

Hino jeyaa e maɓɓe Emerse Faé eltoowo diɗɗal koddiwaar, lomtiniraaɗo Hervé Renard. Emerse Faé halfinanooɗo kippu  oo e hitaande 2024 . Ɓe dañi deesewal foolitiro CAN, O waawi kadi tawnorde diɗɗal ngal e foolotiro fuku-koyngal winndere, ɓe yiltaa e 16ɓal timmoode. E andinntinay kadi alhaali Pape Thiaw, eltoowo diɗɗal Senegal mo joƴƴingol mun jibini haalullaadi keewɗi haa nii. Ko holno taskorɗon oo alhaali?