Hol peeje ardiiɓe Gine haani ɓamude ngam falaade oo bone, haɗa ɓee kuliyankooɓe dañude doole e nder Gine?

Alarba 24 lewru 3ɓuru, yewtere men no nawra en Gine, nokku to ardiiɓe ɓen holliti wonnde ɓe fawii junngo e yimɓe 14yo tuumaaɓe jeyeede e wallondirooɓe e pelle kuliyankooje JNIM wonuɗe Mali e Burkina Faso. Hino jeyaa e nanngaaɓe ɓee ginenaajo e ɓiɓɓe leyɗe goɗɗe wonndude e keerɗuɗe e maɓɓe.

Ɓee nanngaa ko e ca’e Kankan Siguiri e Mandiana fuɗnaange leydi ndin, gila rowani. Ɗum non laatike ɓawto tefoore nde ardiiɓe Gine udditi gila e nayaɓuru hitaande faltiinde, nde ɓe humpitii e nder mun kadi fii ngoomuuji 3 humpitooji waɗaaɗi e dow whatsapp, ɗi yimɓe ko ɓuri teemeɗɗe njowo winndi.

Ko holno taskorɗon oo alhaali?