Hannde e alarba yewtere men no nawra en Benin nokku to suudu sariya mawɗo leydi ndin lollini e altine njaltudi sarɗinkooji yuɓɓinaaɗi ñannde 11 lewru ndu

Hannde e alarba ñannde 21,lewru1ɓuru yewtere men no nawra Benin nokku to suudu sariya mawɗo leydi ndin lollini e altine njaltudi sarɗinkooji yuɓɓinaaɗi ñannde 11 lewru ndu wonuɗen e mun. Tippuɗe e njaltuɗi ɗii, ko suudu sarɗinkooru walla parlement mo kawtal gootal wonata Benin wano e hitaande 2019 non.

Hay fedde lumndiyankoore wootere heɓaali jullere e nduu suudu sarɗiiru heyru. Ko pelle dawro ɗiɗi UP-R e Bloc Républicain wonnduɗe e hooreejo leydi Patrice Talon heɓi julle 109 ɗen fow ka parlement.  Fedde democrate’en nde hooreejo kiɗɗo leydi Thomas Boni Yayi, fedde ɓurnde e mawnude e pelle lunndiiɗe laamu Benin, waawaali ɓeɓude ɓuri daaɗe 20 e nder teemederewell wano yamiri sariya suɓngooji ɗii. Hara ko holno yiiruɗon janngo ndee fedde Democrat’en, yowunoonde jikke mun fow e ɗii sarɗinkooji, nde tawi nde tawtortaake e suɓnsuɓngooji hooreyaaku yuɓɓinteeɗi ñannde 12 lewru 4 ɓuru hitaande nde wonuɗen e mun?Ko holno taskorɗon mbaadi oo parlement keso Benin ?Ko holɗum ngol waasugol tawtoreeɗe lunndo ngon e oo parlement keso waawi battiinnde e jewte waɗeteeɗe ton?