About
Die stedelike en landelike ontwikkeling-minister, James Sankwasa, verdien volgens kommentators lof vir sy proaktiewe benadering, na hy 'n regsopleidingswerkswinkel vir tradisionele leiers in die Kavango- en Zambezi-streke aangebied het. Die werkswinkel het gefokus op regsbeginsels, geslagsgelykheid en menseregte, met die doel om tradisionele howe met internasionale standaarde in lyn te bring. Prokureur Richard Metcalfe het aan Kosmos 94.1 Nuus gesê dat Sankwasa deurgaans werk om landelike leierskap te versterk en gemeenskapskwessies beter aan te spreek.