في هالحلقة من للرجال فقط القعدة بتسخن من أول دقيقة. بنحكي عن الإرهاق العاطفي والنفسي عند الرجال، عن ليش كلمة صغيرة ممكن تقلب المزاج، وليش أحيانا أقرب الناس إلنا هم أكثر ناس بيضغطوا على الزر الغلط.
ضيفنا الكوميديان علاء أبو دياب دخل الحوار بطريقته المعتادة، ضحك صريح، آراء جريئة، وحكي من القلب عن الستاند أب، الجمهور، السوشيال ميديا، وشرطة الكوميديا اللي صارت تحاسب على كل نفس.
الحلقة فيها نقاشات عن الغربة، عن الإنسكيورتيز، عن ليش النقد بيوجع أكثر من اللازم، وعن كيف الواحد ممكن يكون ناجح ومع هيك مرهق من جواته. وبين كل هاد في ضحك، مزح، شد وجذب، ولقطات بتلخص روح للرجال فقط.
حلقة خفيفة على القلب، ثقيلة بالمعنى، ومليانة لحظات صادقة بين أصحاب قاعدين يحكوا بدون تصنع.
إذا حسيت حالك مرهق ومش عارف ليش، أو بتحب تشوف الكوميديا من زاوية أعمق شوي، هاي الحلقة لإلك.
📲 وتابعنا على كل منصات التواصل الاجتماعي:
Instagram & TikTok: @menonlyshow