[Taskaram fillitaaɗo] - Yeewtere men hannde heerori ko taro defte

Ñalawma winndereyaŋkeejo teddiniraaɗo defte ko ñalawma mawningol defte, winndooɓe e taro. Ko UNESCO darni oo ñalawma gila e hitaande 1995. O osaa ko ngam ƴellitde jaŋnde/taro, binndol e reende jeyi hakkille rewrude e hakkeeji winndooɓe. Ko ɗum fartaŋŋe keeriiɗo ngam teeŋtinde nafoore defte e nder nguurndam men.

Gaagaa mawningol ngol, ñalawma oo ina jogii faandaare tiiɗnde : defte ko kuutorɗe moƴƴe, eɗe mballita jaŋde. Tedduɓee heɗiiɓe  taskaram Laawol Ganndal e Needi on calminaama, on paami toɓɓere men hannde yowitii e jaŋnde/taro defte.