Njaɓɓiɗen hannde ko BRMX ngam yeewtitde e makko concert mo waɗta to Grand Theatre e album makko keso mo o yaltini

E ndee yontere, eɗen jaɓɓoo naalanke, suka jimoowo mawɗo jeyaaɗo Mauritanie. Daande makko kañum e jimɗi makko ina keɓtinaa no feewi e nder haalirde men ndee. Ko Ibrahima Ndongo woni innde makko kono o lolliri ko BRMX, jibinannde Nouadhibou, nder leydi Muritani. Sabaabu garaangal makko ɗoo hannde, ko yeewtude e ko faati e fijirde concert mawɗo mo yuɓɓinta jamma hannde to Grand Théatre Doudou Ndiaye Coumba Rose, ɗoo e Dakar. So diwii ɗum, en njeewtidat e makko kadi ko faati e "Martaba" woni album keso mo yaltini e ndee hitannde.