Taskaram men hannde yewtata ko e nokkuuje haakooje maa mbiyen hecciɗuɗe no wi’ee "espace vert" e ɗemngal faransiire

Tedduɓe on calminaama! Bisimilla mon e taskaram men Kiwal Taariindi. Hannde e oo ɗoo taskaram en yewtay ko yowitii e nokkuuje haakooje maa mi wi'a hecciɗuɗe no wi’ee "espace vert" e ɗemngal faransiire. Ɗen nokkuuje no ŋakki e yogga e nder Afrik wano Moritani haa e leyɗe godɗe ɗe Afrik.

Etee ɗee nokkuuje no jogii nafoore to baŋŋe taarindi haa teeŋti noon e cellal neɗɗo. Ko woni ɗeen nafooje? Holno ɗii nokkuuji toppitirtee? Ngam yaajnaade heen en bismoto hoɓɓe men. Moussoukoro Sidibe Moritanaajo hertorɗo to baŋŋe taarindi e Algasimou Diallo, Ginénaajo ardiiɗo fedde nde wonaa laamuyankoore wi’eteende Guinée Verte. Kono ko adii en heɗoto Lamine Ibn Oumar Diallo mo Gambie e Demba Sall gooto e daraniiɗo e reenude taarindi Moritanie.