Taariindi: battane ɗii fijooji olempik saatiiɗi Dakar 2026 e dow taariindi ndii e baŋŋe tuuɗe e nguurdam moƴƴam

E oo taskaram Kiwal taarindi en yewtay ko yowitii e fijooji olempik sukaaɓe Dakar 2026. Ko e aset ngaroowo ɗin pijirlooji fuɗotoo ɗoo e Dakar. Ko ɓuri ujunaaji ɗiɗi atleeɓe no ɗaminaa eɗii pijirlooji. Ko ɗum saaɓi goomu topitiingu ɗin pijirlooji wieteengu COJOJ yuɓɓiniino golle yowitiiɗe e haɓɓugol tuundi poore, tutugol leɗɗe e laɓɓingol nokkuuji ɗo ɗiin pijirlooji waɗtetee wano Dakar e Saly to Mbour. E ɗum pelle sukaaɓe daraniiɗe taariindi tawtoraama e ɗen golle. Holko tigi rigi golle ɓen sukaaɓe siforii ? Ko woni golle maɓɓe ? Mbelle ɗee golle no waawi jokkeede caggal ɗiin pijirlooji ngam ɗum mbaawa battinde e taariindi ndii walla hundaari ɗii ? Ngam yewtude e dow ɗee toɓɓe en bismoto Ibrahima Ngom gooto e ardiiɗo fedde rendinde sukaaɓe daraniiɓe taarindi wieteende Jeunes Volontaires pour l’environnement e fransiire .
Kono ko adii en heɗoto jantoore nde Fadima Sy waɗani en ko feewti e darnde sukaaɓe e woɓɓe tawtoraaɓe e ɗee golle yowitiiɗe e laɓɓingol Dakar ngam pijirlooji Dakar 2026. Ka joofingol en heɗoto kadi…