Ko honɗum mbayliigu weeyo e soppo leɗɗe battanta e layugol ñabbuuli wano Ebola?

E oo taskaram Kiwal taarindi en yewtay ko yowitii e Ñawu wi’eteengu Ebola, nguu ñawu teskaangu gila leɓɓi jooni to RD Konngo, e leyɗeele hoɗdiiɓe mum, e woodi e leyɗeele Afrik hirnaange, ina sikkaa ko ñawu ummortoonguu e kulle ladde. Ustagol laddeeji e noonanteeri kulle e puɗi no wi’iee "biodiwersite" woni tigi rigi sabu ƴellitaare ñawu nguu, ngu kulle ɗee
raaɓaata yimɓe ɓee. Ko honno soppuru laddeeji waawata ɓeydagol raaɓugol nguu ñawu? Holno fotaa daroreede haa taw kulle goɗɗe jogiiɗe ɗiin ñabbuuli hewtaani ka koɗooli yimɓe ɓee ? Ngam yewtude e dow ɗee toɓɓe en bismoto hoɓɓe amen. Moodi Saliou Diallo hertorɗo banŋe taarindi, sosuɗo fedde nde wonaa laamuyankoore wieteende Guinée Ecologie, daraniide oo alhaali to Guinée. Kono ko addii en heɗoto Issa Amadou Anne, daraniiɗo taarindi, senegalnaajo. Ka joofingol en heɗoto Fatouma Binta Diallo gooto e ardiiɗo fedde nde wonaa laamuyankoore AGOREC, fedde dariinde ngam hiwude laddeeji ɗin to Guinee.