Joɗnde jeegoɓere ko faati e jeereende walla yoorunal joofi ñalnde 28 lewru 3ɓuru to Djerba, leydi Tunisie. Yuɓɓini ndee joɗnde ko fedde Faransnaare nde wonaa laamuyankoore wiyeteende CARI e Observatoire Sahara e Sahel, Ko ɓuri yimɓe 450 tawtoraama e ndee jonnde. Faandaare ndee ko heblagol jonnde COP 17 aroonde, yuɓɓinteende to Mongolie e lewru 8ɓuru hitaande 2026.
Ko non oo taskaram men yowitiiɗo e no darortee ngam haɓude jeereende walla yoorunal e nder Afrik. Ngam yewtude e dow ndee toɓɓere en mbismoto hoɓɓe men wi’eteeɓe Fatoumata Kante Ginenaajo daraniiɗo kiwal taariindi leydi Guinee e Ndikou Gueye senegalnaajo tawaaɗo e sarwis leydi ndii tammbiiɗo ko yowitii e tutugol leɗɗe e nder Senegal no wie agence nationale de la reforestation. Kono ko adii en heɗoto gooto e heɗiyankooɓe men Lamine Ibn Oumar Jallo.