Karabana batek Barakaldoko hainbat gune bisitauko dauz euskerea sustatzeko

Barakaldoko Udaleko Euskara Sailak Faktoria Ibiltaria jarri eban martxan irailaren hasieran, familiei zuzendutako jarduera ludikoen bidez euskerea uriko auzoetara eroatea helburu dauan ekimen ibiltaria. Karabana batek udalerriko hainbat gune zeharkatuko dauz irailean zehar. Irailaren 5ean Munoa parkean egon zan eta gaur Xake plazara, Bagatzara hurreratuko da.

Lanbide Heziketako hainbat zentroren lankidetzeari esker, familia guztiarentzako jarduerak eskeintzen dauan karabana da hau. Euskera sustatzen dauan Faktoria Ibiltariari buruz berba egiteko, Eider Zenarruzabeitia, Hala Dzipo alkarteko kideagaz eta Iratxe Foces, Barakaldoko Euskera zinegotziagaz egon gara Goizeko Izarretan irratsaioan.

Karabanak hurrengo lekuak bisitauko dauz:

Irailak 12, Xake Plaza (Bagatza)
Irailak 19, Zamalanda parkea
Irailaren 26, Herriko Plazan