Send us a text
Genesis 3:12-13 Die mens het geantwoord: “Die vrou wat U my gegee het om my by te staan, sy het vir my van die boom se vrugte gegee, en ek het geëet.” Toe vra die Here God vir die vrou: “Wat het jy nou gedoen?” en sy sê: “Die slang het my mislei, en ek het geëet.”
Niemand van ons hou daarvan om foute te maak nie. En wanneer jy een maak, is dit soms baie moeilik om dit te erken. Dink net wat sal die mense sê! Dis beter om dinge weg te steek of iemand anders vir jou fout te blameer!
In 1961 was die ‘Bay of Pigs’-inval in Kuba 'n totale ramp. Die Amerikaanse president John F. Kennedy het die plan goedgekeur om Fidel Castro se regering omver te werp, maar toe dit skouspelagtig misluk het, het diegene rondom hom vingers gewys na die CIA, die beplanners en selfs die verbanne Kubane. Maar JFK?
Wel, hy het aanvanklik gehuiwer om sy skuld te erken. As hy van die begin af volle blaam daarvoor aanvaar het, sou vertroue in sy leierskap dalk gestyg het. In plaas daarvan, het die vertraging van sy erkenning van skuld sy geloofwaardigheid geknou. Toe hy uiteindelik die skuld aanvaar het, het dit gehelp om sy beeld so effens te herstel – maar teen daardie tyd was die skade reeds aangerig.
Ja, ons weet almal: dit verg moed om verantwoordelikheid vir ons foute te aanvaar – 'n moed wat Adam en Eva duidelik kortgekom het toe God hulle verantwoordelik gehou het vir die eet van 'n stukkie vrug van dié één boom wat Hy verbied het.
Genesis 3:12-13 Die mens het geantwoord: “Die vrou wat U my gegee het om my by te staan, sy het vir my van die boom se vrugte gegee, en ek het geëet.” Toe vra die Here God vir die vrou: “Wat het jy nou gedoen?” en sy sê: “Die slang het my mislei, en ek het geëet.”
Nie een van hulle het skuld aanvaar nie, en so het sonde in die wêreld gekom. Het jy al ooit gewonder hoe anders dinge sou verloop het as hulle bely het en God om sy vergifnis gevra het? Dis nogal ‘n moeilike vraag, waaroor ons sekerlik al dikwels gewonder het!
Wanneer jy 'n fout maak; neem verantwoordelikheid, in plaas daarvan om vir jouself 'n nog dieper gat te grawe. Vra God om jou te vergewe.
Dis Sy Woord. Vars … vir jou … vandag.
Support the show
Enjoying The Content?
For the price of a cup of coffee each month, you can enable Christianityworks to reach 10,000+ people with a message about the love of Jesus!
DONATE R50 MONTHLY