For Training Use

አማኝ በኃጢአት በድካም ተሰነካክሎ ቢወደቅ በዛው በወደቀበት እንዲቀር ይህ የእግዚአብሔር ፈቃድ አይደለም:: ነገር ግን በድካሙና በውድቀቱ ከእግዚአብሔር ምህረት ጋር ለተነካካ ለእርሱ እንደገና በሁለት እግሩ መቆም ይሆናል:: የእግዚአብሔር የምህረቱ ባለጠግነት በእርሱ ሁኔታ ይገለጥበታል:: ሰለዚህ አማኝ ሁልጊዜም በእግዚአብሔር ምህረት እንደቆመ ያስባል:: ከድካማችን ካልበቃውም ማንነታችን ጎሎቶ የሚወጣውና የሚታየው ያ የተነካካነው የጌታ ምህረት ነውና::

አማኝ ሁሉ የተጠራው እግዚአብሔርን ወደ መሞሰል እርሱንም በማወቅ ወደሚገኝ ባለጠግነት በፀጋው እንዲያድግ ነው:: ማደጋችንም በቃልና በስራ በሁለንተና እኛነታችን የሚገለጥ በእግዚአብሔርም በሰውም ፊት የሚታይ ነው:: ስለዚህ ለፀጋው ክብርን እየሰጠን እንዴት ማደግ እንደምንችል በዚህ መልዕክት ውስጥ እንማራለን::

ጌታ ደቀ መዛሙርቶቹን መጀመሪያ ቃሉን አስተማራቸው መገባቸው በቃሉ አስታጠቃቸው፣ ከዚያም የመስራቹን ለሌሎች ለማድረስ ያለማምዳቸው ነበር፣ ዛሬም ጌታ እኛን በእርሱ አምነን የዳንን ሁላችንን የሚጠብቅብን ነገር ይህን የምስራች ወንጌል ለሌሎች እንድናደርስ ነው፣ አንደ ጌታ መልክተኞች ልናውቃቸው ስለሚገቡን ሦስት መሰረታዊ ነገሮች መታዘዝ ስርአትና እምነትን በዚህ መልእክት ውስጥ እንማራለን፣

የሰው ፈቃድ ከእግዚአብሔር ፈቃድ ጋር ሲተያይ ሰማይ ከምድር እንደሚርቅ እንዲሁ የራቀ ነው:: ነገር ግን እግዚአብሔር ፀጋን እየሰጠ ደግሞም በራሱ መንገድ በመምራት ሰውን አሰቀድሞ ወደ ተፈጠረለት ወደ ፈቃዱ ያመጣዋል:: ሰው ግን ራሱን ባዶ ሊያደርግ ደግሞም በእርሱ ያለውን የጌተን ፈቃድ ለማድረግና ለእርሱም ለመኖር መምረጥ ይኖርበታል:: ይኸውም በስጋ ሳይሆን ነገር ግን አይናችን ተከፍቶ አይተን የምንመርጠው ነው::- ሰው ራሱን በእግዚአብሔር ፈቃድ ውስጥ ያገኘበት ሰአት ያ እጅግ የተወደደ ሰአት ነው::

እግዚአብሔር እርሱ በሰማይና በምድር አምላክ ነው::ብላ ያመነች ደግሞም የመሰከረች ረዓብ ከሚጠፉት ጋር አብራ አልጠፋችም:: ምንም ታናሽና ደካማ ብንሆን በእምነት በፊቱ እንሁን እንጂ እግዚአብሔር ታላቅ ነገርን ሊሰራ ፈቃዱ ነው::በዚህ መልዕክት ትናንት በረዓብ ህይወት ድንቅን ያደረገ ጌታ ዛሬም በእኛ እንዴት እንደሚሰራ እንማራለን: