Аліна Харысава. Пра нядобразычліўцаў, “патрыятычны талент”, спецслужбы і выбары ў КР

Днямі ў Мінску праходзіў пазачарговы з’езд праўладнай партыі “Белая Русь”. Што праўда, Лукашэнка на гэтай сходцы сваіх прыхільнікаў чамусьці не з’явіўся. А прысутны ў зале першы намеснік лукашэнкаўскай адміністрацыі Пярцоў заклікаў “партыйную моладзь” быць больш актыўнымі ў сацсетках і ў каментарах уступаць у дыскусію пад матэрыяламі, дзе “нядобразычліўцы разганяюць сацыяльную, камунальную ці іншыя праблемы”. Праяўляць, так бы мовіць, грамадзянскую пазіцыю і патрыятычны талент.

Ці атрымаецца ў рэжыму сфарміраваць з “партыйнай” моладзі армію ботаў-прапагандыстаў і чаму ўвогуле Пярцоў вымушаны быў звяртацца з такім заклікам? Ці звярнулі на Захадзе ўвагу на апошняе інтэрв’ю Лукашэнкі і ці было ў ім сапраўды хоць нешта адметнае? Чаму лукашэнкаўскія спецслужбы так пераймаюцца выбарамі ў КР і як гэта можа паўплываць на выбаршчыкаў? На гэтыя ды іншыя пытанні ў жывым эфіры Еўрарадыё адказвае паліталагіня, экспертка стратэгіі і аналітыкі, міжнародная сакратарка Задзіночання беларускіх студэнтаў Аліна Харысава